पोखरा । नेवि संघ कास्कीले कांग्रेस पार्टी कार्यालय कास्कीमा तालाबन्दी गरेको छ । तत्काल नेविसंघको अधिवेशन माग गर्दै आफूहरुले तालाबन्दी गरेको नेवि संघ केन्द्रीय सदस्य सुरेन्द्र बस्नेतले बताए ।

पोखराको चिप्लेढुंगास्थित पार्टी कार्यालयमा उनीहरुले बुधबार साँझदेखि अनिश्चितकालका लागि तालाबन्दी गरेका हुन् । सधैं एउटै विवादमा नेविसंघलाई राखिरहनु हुन्न भनी दबाब दिन आफूहरुले तालाबन्दी गरेको बस्नेतले बताए ।

कास्कीमा नेवि संघ विवाद बरोबर उठिरहन्छ । यसपालि पनि नेविसंघ कास्कीमा गौरव बराल र राजीव भण्डारी छुट्टाछुट्टै सभापति छन् । दुवैले आफूहरु आधिकारिक भएको दाबी गर्छन् । नेवि संघ कास्कीको लामो समयदेखि अधिवेशन हुन सकेको छैन ।