पोखरा । लागु औषध कारोबारमा संलग्न रहेको अभियोगमा कास्की प्रहरीले ३ जना युवकलाई पक्राउ गरेको छ । पक्राउ पर्नेमा पर्वतको मोदी ८, चित्रेका २४ वर्षीय सविन बिक, राम्जाका २४ वर्षीय सोवित जिसी र चित्रे घर भइ हाल पोखराको शान्तिपाटन बस्ने २९ वर्षीय दिवस गुरुङ हुन् ।

सोमबार दिउँसो लागु औषध नियन्त्रण ब्यूरो शाखा कार्यालय पोखरा, वडा प्रहरी कार्यालय बैदाम र जिल्ला प्रहरी कार्यालय कास्कीसमेतको समन्वयमा खटिएको प्रहरी टोलीले उनीहरुलाई पक्राउ गरेको हो । प्रहरीले उनीहरुको पोखराको ६ जरेबरस्थित डेराकोठाबाट बुप्रिनर्फिन ८० एम्पुल, फेनेरागन ७९ एम्पुल, डाइजेपाम ८१ एम्पुल गरी कुल २ सय ४० एम्पुल लागु औषधसहित बरामद गरेको हो । उनीहरुलाई कास्की जिल्ला अदालतबाट १५ दिनको म्याद थप गरी अनुसन्धान प्रक्रिया अघि बढाइएको जिल्ला प्रहरी कार्यालय कास्कीका नि.सूचना अधिकारी प्रहरी निरीक्षक सूर्यबहादुर रानामगरले बताए ।