पोखरा । परिवारकै सदस्यले लाखौं रुपैयाँ ठगी गरेको भन्दै पोखराको कास्कीकोटका बस्ताकोटी परिवार यतिखेर न्यायको पर्खाइमा छन् । विदेशबाट पटक पटक पठाएको रकम हिनामिना पारेको थाहा पाएका उनीहरुले आफन्तको समेत रकम ठगेको थाहा पाएपछि प्रहरीसमक्ष उजुरी दिन बाध्य भएको बताउँछन् ।
पोखरा २४, कास्कीकोट निवासी देवीप्रसाद बस्ताकोटी र धर्मादेवी बस्ताकोटीका ७ सन्तानमा ४ छोरी र ३ छोरा हुन् । तीमध्ये माहिली छोरी ४७ वर्षीया सीतादेवी बस्ताकोटीलाई आफ्नै परिवारका सदस्य तथा आफन्तको लाखौं रुपैयाँ ठगी गरेको अभियोग लागेको हो । सीतादेवीकै भाइ अर्जुन बस्ताकोटीले दिएको निवेदन आधारमा कास्की प्रहरीले उनलाई गत २४ वैशाखमा पक्राउ समेत गरेको थियो । उनी हाल तारेखमा रिहा छन् । यता, ठगी मुद्दामा अनुसन्धान जारी राखेको कास्की प्रहरीले चाँडै नै जिल्ला सरकारी वकिलको कार्यालयमा अभियोगपत्र दायर गर्ने तयारीमा रहेको छ ।
घरपरिवारले बिहेबारी गरी सीतादेवीलाई तनहुँको शुक्लागण्डकी ५, बेलाचौतारा दिएका थिए । त्यहाँ उनले १० वर्ष जति बिताइन् । १ छोरा र १ छोरीकी आमा सीतादेवीको पतिको मृत्यु भएको छ । उनी हाल ललितपुरको ग्वार्को बस्छिन् ।
उनीमाथि भाइ अर्जुनले स्वीट्जरल्यान्डबाट पठाएको ४५ लाख रुपैयाँ ठगी गरेको आरोप छ । सीतादेवीले अर्का भाइ सूर्यले स्वीट्जरल्यन्डबाटै प्राइम कमर्सियल बैंकको सीतादेवीको नाउँको खातामा पटक–पटक गरी पठाएको कुल ३६ लाख पनि फिर्ता गरेकी छैनन् । परिवारमा बेमेल बढ्दै गएपछि सीतादेवीले आफ्नै परिवारका सदस्य तथा आफन्तसँग पनि रकम ठगी गरेको अर्जुन बताउँछन् । यतिसम्मकी उनले ग्वार्कोमै ३ घर, बेलाचैतारा र अमरसिंहमा १/१ घर जोडेकी छन् । आफूहरुको रकम ठगी गरेर दिदीले यो बाहेक अन्यत्र पनि घरजग्गा जोडेको अर्जुनको दाबी छ । ‘सुरुमा दिदी भनेर चुपचाप बस्यौं । कहीँ कतै उजुरबाजुर गरेनौं । आफन्तको पनि रकम ठगी गरेको थाहा पाएपछि अरु नठगियुन् भनी न्यायको लागि अदालत गुहारेको हौं,’ अर्जुनले भने । उनका अनुसार सीतादेवीले भाइ सूर्यलाई समेत झुठो बलात्कारको मुद्दा लगाएकी थिइन् ।
सीतादेवीविरुद्ध नक्कली कपाली तमसुक बनाएको आरोपमा अर्को जाहेरीसमेत परेको छ । मानसिक रोगी रहेका ८६ वर्षीय बाबु देवीप्रसादलाई ७५ लाख रुपैयाँ दिएको भनी उनले किर्ते तमसुक बनाएकी छन् । किर्ते तमसुक बनाएको भन्दै भाइहरु अर्जुन र सूर्यले संयुक्त जाहेरी दिएका हुन् । आफूहरुले पठाएको रकम बाबुलाई दिएको भनी किर्ते तमसुक बनाएको उनीहरुको दाबी छ ।
पीडित अर्जुनले गत २३ फागुनमा केन्द्रीय अनुसन्धान ब्युरो (सिआइबी) मा सीतादेवीविरुद्ध जाहेरी दिएका थिए । त्यसको २ दिनपछि सिआइबी व्यूरोले जिल्ला प्रहरी कार्यालय कास्कीलाई सक्कलै जाहेरी दरखास्त र कागजात चलानी राखी पठाएको थियो । उनले विभिन्न व्यक्तिसँग ठगी गरी अकूत सम्पत्ति आर्जन गरेको भन्दै सम्पत्ति शुद्धीकरण विभागमा समेत उजुरी परेको छ ।
जिल्ला प्रहरी कार्यालय कास्कीका प्रवक्ता प्रहरी नायव उपरीक्षक श्रवण विकले ठगी मुद्दामा अनुसन्धान जारी रहेको बताउँछन् ।
Related News
सम्बन्धित समाचार
पोखरामा २१ जना लागुऔषध सेवनकर्ता पक्राउ, प्रशिक्षणिछि अभिभावकको जिम्मा
ढुंगाबालुवा चोरी निकासीमा संलग्न ५ गाडी नियन्त्रण
पोखरीछापमा भरुवा बन्दुकसहित १ पक्राउ
प्रश्नपत्र आउट शिक्षक धरौटीमा रिहा
जिबी राईको राहदानी रद्द भएन
hero news full width
मुख्य समाचार
पोखरा विश्वविद्यालय शिक्षण अस्पताल उद्घाटन
दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१प्रधानमन्त्री दाहालले आज चाैथोपटक विश्वासको मत लिँदै
जेठ ७, २०८१दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१एकातिर खोला, अर्कैतिर पुल
जेठ ६, २०८१