पोखरा । मानव मिलन संस्था स्याङ्जाको आयोजनामा ज्येष्ठ नागरिक दिवा सेवा संचालन सहयोगार्थ फेदीखोला–४, आरुखर्कमा इन्द्रेणी कार्यक्रम सम्पन्न भएको छ ।
मानव मिलन संस्थाका संस्थापक नेपालकेशरी डा. मणिभन्द्र मुनिजी महाराजको ५६ औं शुभजन्मोत्सवको पूर्व सन्ध्यामा आयोजित कार्यक्रममा करिब ५ लाख रुपैयाँ संकलन भएको छ ।
कार्यक्रममा इन्द्रेणीका प्रबन्ध निर्देशक कृष्ण कँडेल लगायतको टोलीले स्थानीयवासीलाई भरपूर मनोरञ्जन दिएका थिए । मुक्तिनाथ विकास बैंकका अध्यक्ष भरतराज ढकालले सामाजिक उत्तरदायित्व बहन गर्ने उद्देश्यले ज्येष्ठ नागरिकलाई दिवा सेवा संचालन गर्नु महत्वपूर्ण कार्य भएको भन्दै सेवाले ज्येष्ठ नागरिकलाई सम्मान हुने बताए ।
मानव मिलन अन्तर्राष्ट्रिय संस्थाका सचिव सावित्री शर्माले डा. मणिभद्र मुनिजीको जन्मभूमिमा मानव मिलन संस्थाले गर्न खोजेको कामको प्रशंसा गर्दै कार्यक्रम सफल हुने बताइन् । रामचन्द्र पौडेलको अध्यक्षतामा भएको कार्यक्रममा कार्यक्रम संयोजक नारायणप्रसाद पौडेलले कार्यक्रममाथि प्रकाश पारेका थिए भने सचिव गोविन्द सुवेदीले संचालन गरेका थिए ।