पोखरा । नेपाल दलित सघं गण्डकी प्रदेशको अध्यक्षमा कास्कीका परशुराम विश्वकर्मा पोखरेल निर्वाचित भएका छन् । गण्डकी प्रदेशको पहिलो अभिवेशनबाट पोखरेलको नेतृत्वमा २२ सदस्यीय कार्यसमिति सर्वसम्मत रुपमा चयन गरेको छ ।
बिहीबार पोखरामा भएको अधिवेशनले अध्यक्ष पोखरेलसहित उपाध्यक्ष केशबहादुर सुनार (तनहुँ), ताराबहादुर विश्वकर्मा (बाग्लुङ) र टीका कुमारी एसके बस्पाल (लमजुङ) चयन गरेको छ । संघको सचिव हरिबहादुर गान्धारी (गोरखा) र यामबहादुर परियार (पर्वत) निर्वाचित भए भने म्याग्दीका टेकबहादुर विश्वकर्मा चुनिए । कोषाध्यक्ष स्याङ्जाकी तिलकुमारी दर्जी सर्वसम्मत भइन् ।
संघको गण्डकी प्रदेश सदस्यहरुमा सुनमाया विश्वकर्मा, कौशिलादेवी विश्वकर्मा, कल्पना नेपाली, मधुमाया विश्वकर्मा र मैना विश्वकर्मा चयन भएकी छिन् । यसैगरी अन्य सदस्यहरुमा खगेन्द्र विश्वकर्मा, अर्जुन विश्वकर्मा, भक्तबहादुर विश्वकर्मा, विनोद नेपाली, आनन्द विश्वकर्मा, चिनबहादुर विश्वकर्मा, राकेश विश्वकर्मा, मनसुबा सुनार र रामबहादुर सुनार सर्वसम्मत निर्वाचित भएका हुन् ।
संघको प्रथम गण्डकी प्रादेशिक अधिवेशनमा नेपाली कांग्रेसका वरिष्ठ नेता रामचन्द्र पौडेल, केन्द्रीय उपाध्यक्ष धनराज गुरुङ तथा केन्द्रीय सदस्य जीवन परियारलगायत नेताहरुको उपस्थिति रहेको थियो ।