पोखरा । अन्तराष्ट्रिय महिला दिवसका अवसरमा कास्कीको रुपा गाउँपालिकाले पालिकास्तरीय अन्तर आमा समूह हाजिरीजवाफ प्रतियोगिता भएको छ ।
महिलाको क्षमता अभिवृद्धिका लागि हाजिरीजवाफ लक्ष्यका साथ आयोजित प्रतियोगितामा दिगो आमा समूह प्रथम, भीरकोट आमा समूह द्वितीय, भित्री गाउँ हातेमालो आमा समूह तृतीय र नवदुर्गा आमा समूह सान्त्वना भए ।
कूल २१ वटा समूह सहभागी भएको उक्त प्रतियोगिताका विजयी टिमले क्रमश १० हजार, ८ हजार, ६ हजार र ४ हजार नगद पुरस्कार प्राप्त गरेका थिए भने सहभागी प्रत्येक टिमलाई २ हजार रुपैयाँ नगद पुरस्कार प्रदान गरियो ।
गण्डकी प्रदेशका उपसभामुख सिर्जना शर्माले प्रतियोगताका विजयी टिमलाई नगद पुरस्कार वितरण गर्दै महिलाहरुले प्राप्त हक अधिकारको उपयोगमार्पmत् निर्णायक तहमा पुग्नुपर्ने बताइन् । संवैधानिक अधिकार मागेर होइन खोसेर लिनुपर्ने उल्लेख गर्दै उनले त्यसका लागि सम्पूर्ण महिला शक्ति एकताबद्ध भएर समृद्धिको अभियानमा जोडिनुपर्ने आवश्यकता औंल्याइन् ।
आमाले छोराछोरीलाई समान व्यवहार गर्नुपर्नेमा जोड दिंदै उपसभामुख शर्माले भनिन्, ‘पछिल्लो समय मुलुकमा महिला तथा बालबालिकाप्रति बढेको हिंसाको अन्त्यका सबैको साथ र सहयोग आवश्यक हुन्छ ।
‘सामाजिक न्याय र लैंगिक समानता दिगो विकासको सुनिश्चितता’ नारासहित आयोजित कार्यक्रममा गाउँपालिकाका उपाध्यक्ष लालसुब्बा गुरुङले ५ वर्षको अवधिमा पालिकाको खानेपानी, सडक, शिक्षा, स्वास्थ्य, कृषि लगायत विभिन्न क्षेत्रको विकासमा जोड दिंँदै आएको उल्लेख गरिन् ।
कार्यक्रममा रुपा १ का अअध्यक्ष दीपककुमार आले, २ का कार्यवाहक अध्यक्ष गीता रुपाखेतीले अन्तर आमा समूह हाजिरीजवाफ प्रतियोगिताले आमाहरुमा उत्साह थप्नुका साथै ज्ञानबद्र्धक भएको विचार व्यक्त गरे ।