लमजुङ । स्वतन्त्र पत्रकार संघ नेपालको १०औं स्थापना दिवसका अवसरमा पत्रकार महिला मीना गुरुङलाई सम्मानका साथ चियापन गरी मनाइएको छ । संघको जिल्ला शाखाले मंगलबार सो कार्यक्रम गरेको हो ।
बेंसीसहर नगरपालिकाका मेयर गुमानसिंह अर्यालको प्रमुख आतिथ्यता र जिल्ला भूमि आयोगका अध्यक्ष दामोदर अधिकारीको विशेष आतिथ्यतामा उक्त कार्यक्रम गरिएको हो । सो अवसरमा लमजुङको पहिलो श्रव्य सञ्चारमाध्यमको स्थापनाकालदेखि विभिन्न पदमा रहँदै हाल उक्त रेडियोको प्रवन्ध निर्देशक रहेकी मीना गुरुङलाई ‘क्रियाशील पत्रकारिता राष्ट्रिय सम्मान’ द्वारा सम्मान गरिएको हो ।
मेयर अर्यालले पत्रकारिताले मुलुकमा सुशासन कायम गर्न मद्दत गर्ने, निरंकुश तथा भ्रष्टाचारविरुद्ध आवाज उठाउने हुँदा राज्यका अंगका रुपमा स्वीकार गरिएको बताए । उनले पत्रकारले समाजमा मैनबत्तीजस्तै निरन्तर जलेर समाजलाई उज्यालो दिइरहेको हुँदा श्रद्धाको लायक छन् । २/४ जनाले बदमास गरे भन्दैमा सबै पत्रकारलाई बदनाम गर्न मिल्दैन तर समाचार भने सत्य, तथ्य र तर्कमा आधारित हुनुपर्छ भने ।
जिल्ला भूमि आयोग अध्यक्ष दामोदर अधिकारीले पत्रकारहरूले नकारात्मकभन्दा सकारात्मक र दूरदर्शितामा आधारित समाचार लेख्नुपर्ने बताए । उनले निष्ठावान्का दिन सजिला छैनन् । सबै क्षेत्रमा निष्ठावान्को खडेरी परेको वा त्यस्तालाई नेतृत्वको तहबाट विस्थापित गर्ने नियति चलिरहेको छ र नेपालको पत्रकारिता पनि त्यो भन्दा भिन्न छैन उनले भने ।
सम्मानित व्यक्तित्व मीना गुरुङले जिल्लामा पहिलो पटक २०६३ सालमा सुरु भएको रेडियो अर्थात् श्रव्य सञ्चारमाध्यममा जोडिएर निरन्तर रही पछिल्ला वर्षमा स्टेसन मेनेजर हुँदै पछिल्लो डेढ वर्षपछि प्रबन्ध निर्देशक रहेको बताइन् । उनले कुनै पनि कित्तामा नरही समाचार लेख्दाको मञ्जानै बेग्ले हुने गरेको अनुभव सुनाउँदै स्वतन्त्र पत्रकार संघले आफ्नो योगदानको मूल्यांकन गरेर सम्मान गरेकोमा आयोजक संस्थालाई धन्यवाद दिइन् ।
स्वतन्त्र पत्रकार संघका राष्ट्रिय सल्लाहकार नवराज पहाडीले कार्यक्रमको उद्देश्यमा प्रकाश पारे । उनले वास्तविक समाचार लुकेको, लुकाइएको, लुकाउन खोजिएको पीडितको आवाज हो र त्यसैका लागि स्वतन्त्र पत्रकार संघको स्थापना भएको बताए । उनले पत्रकारिताको मूल मर्म भनेको उच्च नैतिकताले युक्त आदर्शमय समाजको स्थापना गर्नु हो तर हिजो पञ्चायतविरुद्धमा आफूहरूले त्यसकै लागि लडाइँ लडेको स्मरण गर्दै तर आज पनि मुलुक विश्वका अति भ्रष्ट मुलुकको सूचीबाट हट्न नसक्नुले स्वतन्त्र पत्रकारको भूमिका र खाँचो झनै बढी खड्किएको बताए ।
कार्यक्रम संघ लमजुङ अध्यक्ष खुसीमाया गुरुङको अध्यक्षतामा भएको थियो ।
Related News
सम्बन्धित समाचार
अधिकारी सरकारविरुद्धको मुद्दा हेर्दाहेर्दैमा
कामचलाउ सरकारद्वारा दोस्रो आवधिक योजनाको परिमार्जित आधारपत्र सार्वजनिक
अधिकारी सरकारविरुद्धको रिट न्यायाधीश रेग्मी र पोखरेलको इजलासमा
आदर्श समाजकर्मी विजय नेपाललाई चलचित्र पत्रकारिता पुरस्कार’, फिल्मकर्मी विनोद शेरचनलाई सम्मान
फेवाको मापदण्ड घटाउन सर्वोच्चमा रिट
hero news full width
मुख्य समाचार
कान्तिपुर मिडिया ग्रुपका अध्यक्ष कैलाश सिरोहिया कार्यकक्षबाटै पक्राउ
कालिका बहुमुखी क्याम्पसलाई क्युएए प्रमाणपत्र
जेठ ८, २०८१अधिकारी सरकारको वैधानिकताको टुंगो आज
जेठ ८, २०८१पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१