अम्बर गुरूङ संगीत पुरस्कार घोषणा

आदर्श समाज सम्वाददाता
फागुन १६, २०७८
ambar grg

पोखरा । पोखरेली युवा सांस्कृतिक परिवार, पोखराले नेपाली गीतसंगीतका धरोहर अम्बर गुरुङको नाउँमा पुरस्कार घोषणा गरेको छ ।
पोखरामा आइतबार पत्रकार सम्मेलन गरी संस्थाले प्रत्येक २ वर्षमा प्रदान गर्ने गरी ‘अमर गुरुङ राष्ट्रिय संगीत पुरस्कार’ घोषणा गरेको हो । पुरस्कार राशि २ लाख रुपैयाँ, ताम्रपत्र र दोसल्ला रहनेछ । पुरस्कार आगामी वर्षदेखि प्रदान गरिने पोयुसापका अध्यक्ष मोती भुजेलले जनाए ।
नेपाली राष्ट्रगानका संगीतकार, नेपाल संगीत तथा नाट्य प्रज्ञा प्रतिष्ठानका संस्थापक कुलपति अम्बर गुरुङको जन्म विसं १९९४ फागुन १५ गते बाबु उजीरसिंह गुरुङ र आमा रेणुका गुरुङका सुपुत्रका रूपमा भारतको दार्जिलिङमा भएको थियो ।
उनको पुख्र्यौली घर तनहुँ हो । संगीतकार गुरुङले कोलकातामा पहिलोपटक सन् १९६१ मा ‘नौ लाख तारा उदाए’ भन्ने अगमसिंह गिरीले रचेको गीत रेकर्ड गरेका थिए । उनी २०२६ सालमा संगीत विभागका प्रमुखका रूपमा नेपाल राजकीय प्रज्ञा प्रतिष्ठानमा प्रवेश गरेका थिए । उनले लक्ष्मीप्रसाद देवकोटाको गीति नाटक कुन्जिनी र मुनामदनमा संगीत संयोजन गरेका थिए ।
५ दशकसम्म गीतसंगीतमा निरन्तर साधनारत रही सांगीतिक माध्यमद्वारा नेपाली कला र संस्कृतिको उत्थानमा सशक्त योगदान गरेका उनको सम्मानार्थ परिवारले पुरस्कार स्थापना गर्ने उद्देश्य राखेको थियो । उद्देश्यबमोजिम देश विदेशमा रहेर नेपाली गीत, संगीत, गायन र वाद्यवादनमा योगदान पु¥याउने व्यक्ति वा संस्थालाई प्रत्येक २ वर्षमा प्रदान गर्नका लागि पुरस्कार घोषणाा गरिएको आयोजकले जनायो ।
करीब ३ वर्षअघि भेट्रान ग्रुप हङकङले गायक तथा संगीतकार विक्रम गुरुङको ‘मेरो संगीत यात्रा’ कार्यक्रम आयोजना गरेको थियो । हङकङमा भएको कार्यक्रमबाट बचत ५ लाख अम्बर गुरुङको नाममा पुरस्कार स्थापना गर्न परिवारलाई हस्तान्तरण गरिएको थियो । २ वर्षअघि पोखरेली मञ्च युकेले संगीत तथा नाट्य प्रज्ञा प्रतिष्ठानका पूर्व कुलपति सरुभक्तको ‘सिर्जनाको घेराभित्र सरुभक्त’ नामक कार्यक्रम अयोजना गरेको थियो । उक्त कार्यक्रमबाट बचत २ लाख ५० हजार पनि सोही कोषमा थपिएको थियो ।
साहित्यकार सरूभक्त संयोजक रहेको पुरस्कार स्थापना समितिमा उक्त संस्कृतिकर्मी तीर्थ श्रेष्ठ सहसंयोजक र सदस्यमा विक्रम गुरुङ, आनन्द श्रेष्ठ, टोपबहादुर थापा, उषा शेरचन, अमृत गुरूङ, रमेश श्रेष्ठ, सरस्वती प्रतीक्षा, प्रकाश ज्ञवाली, डा. चैतन्य अधिकारी, शिव त्रिपाठी, मोती भुजेल (परिवारका अध्यक्ष, पदेन) र एमडी काफ्ले ( परिवारका संगीत संयोजक, पदेन) छन् ।

Related News

सम्बन्धित समाचार

  • मिस नेपालको पोखरा अडिसन आज

    आदर्श समाज सम्वाददाता वैशाख ३, २०८१
    पोखरा । मिस नेपालको पोखरा अडिसन मंगलबारदेखि सुरु हुने भएको छ । द हिडन ट्रेजरले हरेक वर्ष आयोजना गर्दै आएको…
  • वेद विद्याश्रममा छन्दोबद्ध कविता प्रतियोगिता

    आदर्श समाज सम्वाददाता चैत्र ३०, २०८०
    पोखरा । पोखरा चिसाखोला वेद विद्याश्रमले रजत महोत्सव सन्दर्भमा प्रदेशव्यापी खुला छन्दोबद्ध कविता प्रतियोगिता भएको छ । प्रतियोगितामा संगम बस्याल…
  • मदरल्याण्डका शाश्वत निबन्धमा प्रथम

    आदर्श समाज सम्वाददाता चैत्र १९, २०८०
    पोखरा । को–अपरेटिभ प्रेसिडेन्ट सोसाइटी (कोप्स सेन्टर) आयोजनामा भएको निबन्ध प्रतियोगितामा मदरल्याण्ड माविका छात्र शाश्वत रेग्मी प्रथम भएका छन् ।…
  • सरसफाइ विज्ञ भूमिको पुस्तक विमोचन   

    आदर्श समाज सम्वाददाता चैत्र १८, २०८०
    दमौली ।  सरसफाइ विज्ञ नमस्तेलाल भूमिबारेमा लिखित ‘नमस्तेलाल देशभित्र, देशबाहिर’ पुस्तकको आज विमोचन गरिएको छ । तनहुँको बन्दीपुर गाउँपालिका निवासी…
  • ठूलाकोटमा अक्षरयात्राको २०९ औं शृंखला

    आदर्श समाज सम्वाददाता चैत्र १८, २०८०
    पोखरा । गजल सन्ध्या र नवनीत साहित्य सागर आयोजनामा सञ्चालन हुँदै आएको अक्षरयात्राको २०९ औं शृंखला पोखरा २८ ठूलाकोटमा सम्पन्न…

hero news full width