म्याग्दी । नेपाली कांग्रेस म्याग्दीका नवनिर्वाचित सभापति खमबहादुर गर्बुजा ‘खम्बिर’ ले स्थानीय तहको निर्वाचनको तयारीमा जुट्न कार्यकर्तालाई निर्देशन दिएका छन् । आसन्न स्थानीय तहको निर्वाचनमा विगतका कमीकमजोरी सुधार्दै जाने र प्रदेश एवं संघीय चुनावमा समेत पार्टीलाई जिल्लामै पहिलो दल बनाउने आफ्नो प्रमुख कार्यभार भएको सुनाए ।
शनिबार पद तथा गोपनीयताको सपथ लिंदै उनले सहमति नभएका पदमा मतदानबाट चुनिए पनि आन्तरिक एकतामा कुनै असर नगरेको र निर्वाचितलाई क्षमताअनुसारको जिम्मेवारीमा लाग्न सुझावसमेत दिए ।
उनले चुनावलक्षित गरी चोक, चियापसलमा पार्टीभित्रका गतिविधिबारे नेताकार्यकर्ताको अनावश्यक बहस एवं गतिविधिले पार्टीको अभियानमा धक्का लाग्ने बताए । ‘सुझाव र आलोचनाको सबै स्वागत गरिन्छ । जिम्मेवार नेताले आफ्नो हैसियतलाई बुझ्नुहोला,’ सभापति गर्बुजाले भने । कार्यसमितिका पदाधिकारी तथा सदस्य अनिवार्य बैठकमा सहभागी हुने, जिल्ला, प्रदेश समितिले नियमित गतिविधिको जिल्लामा लिखित उपलब्ध गराउने र भौगोलिक विकटता कारण पार्टी कार्यालयमा हुने बैठकमा सहभागी हुन नसक्ने अवस्थामा पालिकास्तरमै बैठकको आयोजना गरिने बताए ।
रघुगंगा–४, दग्नाम निवासी उनी दोस्रो कार्यकालका लागि निर्विरोध चयन भएका हुन् । अन्य पदमा मतदान भएको थियो ।
जिल्ला उपसभापतिमा हरिकुमार श्रेष्ठ र कर्णबहादुर भण्डारी (केबी), सचिवमा हिराबहादुर पुन र भरत रकाल, सहसचिवमा श्रीराम पौडेल र ध्रुवराज कार्की निर्वाचित भएका छन् । सदस्यमा मनकुमारी तुलाचन, रुद्रप्रसाद शर्मा, लीलाबहादुर बानियाँ, अमृता भण्डारी, मनबहादुर शेरपुञ्जा, पुष्पा बानियाँ बरुवाल, गमबहादुर फगामी पुन, मनरुपा पुन, चमु पुन, युगकुमारी सेन, पुस्करबहादुर पुन, रामदेवी पुन, काजीमान रोका, लक्ष्मीकुमारी केसी, सम्मरबहादुर थापा, तुलसीदेवी पुर्जा, ललिता तिलिजा, पूर्णबहादुर तिलिजा पुन, बिलबहादुर फगामी, सम्झना परियार, बालकुमार लामिछाने र अमृतमान शेरचन चयन भए ।
यस्तै, निर्वाचन अधिकृत निरञ्जनलाल राजभण्डारीका अनुसार महाधिवेशन प्रतिनिधिमा चिरञ्जीवी शर्मा, जीवनकुमार मल्ल, धनबहादुर छन्त्याल, विक्रम बोगटी, नेत्रबहादुर महत, रेशमबहादुर बानियाँ, मुकुन छन्त्याल, रेशमबहादुर बानियाँ, विपीन खड्का, शिव केसी, श्रीप्रसाद रोका चयन भए । साथै चित्रबहादुर केसी, बलभद्र ढकाल, ओमकुमारी फगामी, पुनमकुमारी खोरजा, विमला गौचन, खीमकुमारी पुर्जा, देवीकुमारी बुढा, धनकुमारी थापा, दीपेन्द्र श्रेष्ठ, बमबहादुर पुन, भीमबहादुर रोका, मनकुमारी बिक, यामबहादुर हर्मेल, अन्जित खान र सुरेन्द्र खत्री महाधिवेशन प्रतिनिधि चुनिए ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
गण्डकीमा सभामुखले संविधान मिचेको कांग्रेसको आरोप
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
hero news full width
मुख्य समाचार
भलिबलमा अटल हिमाल
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१