क्रिकेटमा नवलपुर विजयी

आदर्श समाज सम्वाददाता
मंसिर १, २०७८

पोखरा । पोखरा रंगशालामा जारी वाईवाई यु–१९, गण्डकी प्रदेश क्षेत्रीय छनौट क्रिकेट प्रतियोगिताअन्तर्गत मंगलबारको खेलमा नवलपुर विजयी भएको छ । नवलपुरले कास्कीलाई मात्र १ विकेटले पराजित गरेको हो ।
नवलपुरले टस जितेर कास्कीलाई व्याटिङको निम्तो दिएपछि कास्कीले ४० ओभरमा सम्पूर्ण विकेट गुमाउँदै १ सय ३६ रन बनायो । कास्कीको तर्फबाट सिविन श्रेष्ठले ३४, सुवास भण्डारीले २७ तथा आयुष सैंजुले २५ रन जोडे । कास्कीलाई सस्तैमा समेट्न नवलपुरका बलहरु सुदीप अर्यालले ३ तथा निश्चल भुषाल, कमल परियार र स्वीकार श्रेष्ठले समान २/२ विकेट लिए ।
प्रत्युत्तरमा १ सय ३७ रनको लक्ष्य पछ्याएको नवलपुलाई जीतका लागि अन्तिम बलसम्म कुर्न पर्‍यो । म्यान अफ द म्याच दीपकप्रसाद डुम्रेले अभिजित ४६ रन जोड्दै टिमलाई जितको बाटो देखाएका हुन् । त्यस्तै भुपेन पुनले २१ रन जोडे । कास्कीका बलर सुवास भण्डारीले ३ विकेट लिंदा किरण पौडेल, नितेस गिरी, अभिषेक थापा र प्रमोद बास्तोलाले समान १ विकेट बाँडे । नवलपुरका दीपक म्यान अफ द म्याच भए ।
नेपाल क्रिकेट संघका केन्द्रीय सदस्य ऋषिराम गौतमले उनलाई म्यान अफ द म्याच ट्रफी प्रदान गरेका थिए । बुधबार स्याङ्जा र तनहुँबीच प्रतिस्पर्धा हुने आयोजक क्षेत्रीय क्रिकेट संघ गण्डकी प्रदेशले जनायो ।

Related News

सम्बन्धित समाचार

  • वाराही माविका खेलाडीलाई क्रिकेट ड्रेस

    आदर्श समाज सम्वाददाता जेठ ७, २०८१
    पोखरा । मालेपाटनस्थित वाराही माध्यमिक विद्यालयमा जगदम्बा प्रतिष्ठानका अध्यक्ष केशवप्रसाद अधिकारीले क्रिकेट ड्रेस सहयोग गरेका छन् । अधिकारीले विद्यालयका क्रिकेट…
  • अन्तरमावि छात्रछात्रा टि–२० क्रिकेट सुरु

    आदर्श समाज सम्वाददाता जेठ ३, २०८१
    पोखरा । पोखरा क्रिकेट एकेडेमी आयोजनामा बिहीबारदेखि कास्की जिल्लास्तरीय तेस्रो ब्रेकिङ बाउन्ड्रिज अन्तरमावि छात्र छात्रा टि–२० क्रिकेट प्रतियोगिता सुरु भएको…
  • सहारा क्लब पोखरालाई वर्ष उत्कृष्ट क्लबको अवार्ड

    आदर्श समाज सम्वाददाता वैशाख २४, २०८१
    पोखरा। नेपाल खेलकुद पत्रकार मञ्च गण्डकीले सहारा क्लब पोखरालाई वर्ष उत्कृष्ट क्लबबाट अवार्ड प्रदान गर्ने निर्णय गरेको छ । शुक्रबार…
  • सिद्ध र कालिका क्रिकेटको फाइनलमा

    आदर्श समाज सम्वाददाता वैशाख २०, २०८१
    पोखरा । कंगारु एजुकेशन फाउण्डेशन टी–ट्वान्टी छात्रा क्रिकेट प्रतियोगिताको उपाधिका लागि सिद्ध र कालिका मावि आमनेसामने भएका छन् । पोखरा…
  • क्रिकेटमा त्रिभुवन र अमरसिंह विजयी

    आदर्श समाज सम्वाददाता वैशाख १६, २०८१
    पोखरा । पोखरा महानगरपालिका खेलकुद विकास समिति आयोजना तथा महानगर क्रिकेट संघ पोखरा संयोजनमा जारी नगरस्तरीय टी–ट्वान्टी छात्रा क्रिकेट प्रतियोगितामा…

hero news full width