२० लाख बढीको सामान बरामद

आदर्श समाज सम्वाददाता
असाेज २३, २०७८
taskari

परासी । नवलपरासी (पश्चिम) प्रहरीले शुक्रबार अवैध भन्सार छली चोरी पैठारीमा संलग्न एक पिकअप र पिकअप चालकसहित २० लाख बढीको सामग्री बरामद गरेको छ ।
जिल्ला प्रहरी कार्यालयका प्रहरी नायव उपरीक्षक राजु लामाका अनुसार अन्दाजी २० लाख २६ हजार ४ सय १० मूल्य बराबरको अवैध मालसामान, खसी, राँगा, भैंसी जिल्लाका विभिन्न स्थानबाट नियन्त्रणमा लिएको हो ।
शुक्रबार बिहान ७ बजे भारतबाट भन्सार छलि अवैध रुपमा ल्याउँदै गरेको अन्दाजी १५ लाख १० हजार मूल्य बराबरको खसी १७ जिउ, बागमती प्रदेश ०३–००१ च १२४६ नं.को पिकअप गाडी र पिकअप चालक समेतलाई प्रहरी चौकी कुडियाबाट खटिएको प्रहरी टोलीले सुस्ता गाउँपालिका २, कुडिया स्थितबाट बरामद गरेको छ ।
त्यसैगरी, बिहान साढे ६ बजे भारतबाट भन्सार छली अवैध रुपमा ल्याउदै गरेको पहेंलो तोरीको बीउ ७४ प्याकेट अन्दाजी ८३ हजार २ सय ५० मूल्य बराबरको सीमा प्रहरी चौकी महेशपुरबाट खटिएको प्रहरी टोलीले सरावल गाउँपालिका वडा ७, बुलन्दपुरस्थितबाट बरामद गरेको छ ।
उक्त सामान मोटरसाइकलमा ल्याउँदै गर्दा प्रहरी टोलीलाई देखी सामान फाली मानिस मोटरसाइकलसहित भागेको प्रहरी नायव उपरीक्षक थापाले बताए ।
त्यस्तै, भारतबाट भन्सार छली अवैध रुपमा ल्याउँदै गरेको चिनी १ सय ५० केजी र नरिवल ४ केजी अन्दाजी १३ हजार १ सय ६० मूल्य बराबरको इलाका प्रहरी कार्यालय अमानिगञ्जबाट खटिएको प्रहरी टोलीले पाल्हीनन्दन गाउँपालिका ३ कुस्माबाट बरामद गरेको छ ।
अवैधरुपमा भन्सार छली भारतबाट नेपालतर्फ पैदल ५ जिउरांगा, १ जिउ भैसी अन्दाजी ४ लाख २० हजार मूल्य बराबरको सीमा प्रहरी चौकी महेशपुरबाट खटिएको प्रहरी टोलीले सरावल ७, बुलन्दपुरबाट बरामद गरेको हो ।
उक्त भैंसी तथा राँगा पैदल ल्याउँदै गर्दा प्रहरी टोली भैसी र राँगा छाडी मानिस भागेका थिए । बरामद खसी, भैंसी तथा रांाँ शुक्रबार नै आवश्यक कारबाहीको लागि महेशपुर भन्सार कार्यालय बुझाइएको छ ।

Related News

सम्बन्धित समाचार

hero news full width

trending post

ट्रेन्डिङ्ग