पोखरा । बडादसैं सुरु भएसँगै कास्कीको रुपा गाउँपालिकाले बजार क्षेत्रको अनुगमन गरेको छ । चाडवाड मौकामा मिति गुज्रिएका र गुणस्तरहीन सामग्री बिक्री हुन सक्ने भन्दै अनुगमन सुरु गरेको हो ।
शुक्रबार पालिकाभित्रका सबै पसलहरुको अनुगमन गरिएको पालिकाले जनाएको छ । अध्यक्ष, उपाध्यक्ष र प्रमुख प्रशासकीय अधिकृतको नेतृतवमा ३ समूह बनाएर वडाध्यक्ष र जनप्रतिनिधि तथा कर्मचारी समेतको उपस्थितिमा अनुगमन गरिएको हो । ‘चाडवाडमा अखाद्य बस्तुको व्यापार हुन सक्छ । त्यसलाई रोक्नुपर्छ । व्यापारीले मौका छोप्छन्,’ गाउँपालिका अध्यक्ष नवराज ओझाले भने, ‘अनुगमनले व्यवसायी पनि सचेत हुन्छन् । उपभोक्ता ठगिन पाउँदैनन् ।’
सहरी क्षेत्रका व्यवसायीले गाउँमा अनुगमन नहुने भएकोले म्याद सकिएका सामान पठाउने गरेको ओझाको आरोप छ । ‘गाउँमा अनुगमन हुँदैन भनेर म्याद सकिएका सामान पठाएको भेटेका छौं । हामीले डीपो र डिलरहरुलाई पनि चिठी लेखेर गुणस्तरहीन सामान नपठाउन भनेका छौं,’ उनले भने, ‘आजभोली त्यस्ता सामान खासै फेला परेका छैनन् । परे भने सचेत गराउने र जरिवानासमेत तिराउने गरेका छौं ।’
अनुगमनमा गएको टोलीलाई व्यवसायीहरुले उल्टै सुझाएर पठाएका छन् । ‘मूल्यले दिनदिनै नयाँ रेकर्ड राख्छ । बरु बजारतिर गएर कम्पनीलाई मूल्य नबढाउनु भनिदिनुप¥यो, सग्रबासका व्यवसायी तिलक थापामगरले भने, ‘उताबाटै दिनदिनै मूल्य बढेर आउँछ । यता मूल्य बढाउँदा उपभोक्ताले हामीलाई गाली गर्छन् ।’ अनुगमनले आफूहरुलाई पनि सचेत हुन सहयोग पुग्ने उनले सुनाए । उनले गाउँपालिका क्षेत्रभित्रका व्यवसायीले बेच्ने सामानको मूल्य तोकिदिनुपर्ने बताएका छन् ।
पालिकाले वर्षमै २ पटक अनुगमन गर्ने भएकोले म्याद गुज्रिएका र गुणस्तरहीन सामान भने नभेटिएको प्रमुख प्रशासकीय अधिकृत सन्तोष ढुंगानाले बताए । अनुगमनसँगै पालिकाले दर्ता छुटेका पसलहरुको नयाँ दर्ता गराएको छ भने दर्ता भएकाहरुको नवीकरण गरिदिएको छ ।
Related News
सम्बन्धित समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
अधिकारी सरकारको वैधताको टुंगो आज !
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१