बागलुङ । जिल्लाको पश्चिम ढोरपाटन क्षेत्रमा बाढीले बिद्युत् सेवा अबरुद्ध भएपछि बन्द रहेको सेवा संचालन गर्न वैकल्पिक ऊर्जाको प्रयोग गरेर सुचारू गरिएको छ ।
अविरल वर्षासँगै भदौ १७ गते राति ९, ८ र ७ बोबाङस्थित भुजिखोलामा बाढीले मानवीय तथा भौतिक क्षति पु¥याएपछि बन्द रहेको नेपाल टेलिकमको टावर संचालन गर्न सोलार जडान गरि सेवा सुरू गरिएको छ ।
बाढीले भुजिखोलामा संचालित लघुजलविद्युत् गृहहरु बगाएको थियो । विद्युत सेवा बन्द भएपछि त्यस क्षेत्रमा मोवाइल सेवा अवरुद्ध भएको थियो । सडकमा बाढीले क्षति पुराएको हुँदा तत्काल त्यहाँ मोवाइल सेवा सञ्चालनमा आउन सकेको थिएन ।
नगरपालिकाको पहलमा केही दिन पहिले सडक मर्मत पश्चात अहिले सडक सञ्चालनमा आएको छ । सडक सुचारु भएसँगै नेपाल टेलिकमले अवरुद्ध मोवाइल सेवा पुनः सञ्चालनमा ल्याएको नेपाल टेलिकमले जनाएको छ । तत्काल त्यहाँ रहेका लघु जलविद्युत् सञ्चालनमा आउने सम्भावना नरहेपछि टेलिकमले वैकल्पिक ऊर्जा सोलार जडान गरी सेवा सुचारु गरेको नेपाल टेलिकम बागलुङका प्रमुख तथा वरिष्ठ इन्जिनियर केशव शर्माले बताए ।
वडा ८ बोवाङ बिजौरेमा रहेको टावरमा १ सय ३५ वाटको २४ थान सोलार जडान गरेर अवरुद्ध सञ्चार सेवा सञ्चालन गरिएको वरिष्ठ इन्जिनियर शर्माले बताए । विद्युत आपूर्ति बन्द हुँदा बाढी प्रभावित क्षेत्रमा सञ्चार सेवाबाट सेवाग्राही वञ्चित भएका थिए । सालझण्डी ढोरपाटन सडक बाट टावरसम्म सामग्री पुराउन स्थानीय बासिन्दा, विपत् व्यवस्थापनमा खटिएको नेपाल प्रहरीको टिम र जनप्रतिनिधिले सहजीकरण गरेको ढोरपाटन नगरपालिकाका नगर प्रमुख देवकुमार नेपालीले बताए ।
कोरोना कहर र प्रतिकूल मौसमका बावजुत जनताको सञ्चार सुविधालाई मध्यनजर गर्दै टावर सञ्चालनमा ल्याइएको नेपाल टेलिकम पोखराका इन्जिनियर कुमोदकुमार महतोले बताए । बोबाङको विजौरेको टावर अवरुद्ध हुँदा त्यस आसपास र ढोरपाटन नेपानेमा रहेको टावरमा रेडियो लिंक बन्द रहेको थियो ।
लिंक बन्द हुँदा ढोरपाटन शिकार आरक्ष क्षेत्रमा मोवाइल सेवा अवरुद्ध रहेको नेपाल टेलिकम पोखराका इन्जिनियर शिवप्रसाद पौडेलले बताए । टावरमा सोलार जडान गर्न प्राविधिक कटकबहादुर गुरुङ सहितको टिम बोवाङ पुगेको थियो ।
नेपाल टेलिकमको नमस्ते मोवाइल सेवा अवरुद्ध हुँदा ढोरपाटन वडा ८ र ९ का बासिन्दा सञ्चार सेवाबाट वञ्चित हुनुका साथै बाढी प्रभावित क्षेत्रमा उद्धार र राहत वितरणमा समस्या भएको थियो ।
मोवाइल सेवा सञ्चालनमा आएसँगै स्थानीय खुसी भएको ढोरपाटन ९ का वडा अध्यक्ष हरिबहादुर घर्तीले बताए ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१