मालपोत कार्यालय स्याङ्जाका एक कर्मचारीमा कोरोना पुष्टिभएसंगै कार्यालयबाट प्रवाह हुने सबै सेवा आइतवारदेखि स्थगित गरिएका छन् ।

एक सातादेखि उनी अस्पतालमा उपचाररत छन्। उपचारकै क्रममा उनलाई पिसिआर परिक्षण गर्दा कोरोना संक्रमण पुष्टि भएको हो।

उनलाई कोरोना संक्रमण भएपछि कार्यालयबाट हुने सेवाप्रवाह आइतवारदेखि अनिश्चितकालका लागि स्थगित गरिएको कार्यालयले सूचना प्रकाशित गर्दे जनाएको छ।

कार्यालयका प्रमुख प्रकाश पौडेलले सूचना जारी गर्दै ‘ आफना कर्मचारीमा कोरोना संक्रमण पुष्टिभएपछि कार्यालयमा कार्यरत अन्य कर्मचारीका कन्ट्रयाक ट्रेसिङ् गर्नुपर्ने भएकाले अर्को सूचना जारी नभएसम्मका लागि कार्यालयबाट उपलब्ध गराईने सेवाप्रवाह स्थगित गरेको’ जनाए ।