हेमजा । कृषि अनुसन्धान निर्देशनालय लुम्लेका निर्देशक डा तुलबहादुर पुनको बिदाइ गरिएको छ ।
उमेर हदले अनिवार्य अवकाशप्राप्त डा पुनलाई निर्देशनालयले आइतवार एक कार्यक्रमबीच बिदाइ गरेको हो ।
उनले ३८ वर्षसम्म सेवा गरे। कार्यक्रमबीच डा पुनलाई नेपाल कृषि अनुसन्धान परिषद्ले दोसल्ला र कदरपत्रले सम्मान पनि गरेको थियो ।
कार्यक्रममा वागवानी अनुसन्धान केन्द्र मालेपाटनका प्रमुख युवराज भुषालले कृषि अनुसन्धानको क्षेत्रमा डा पुनको भूमिकाको चर्चा गर्दै उनी सरल र स्वभावको भएको बताए । भुषालले डा पुनले सुरुवात गरेका अनुसन्धान कार्यलाई पूर्णता दिन आग्रह पनि गरे।
निर्देशक डा पुनले कृषि अनुसन्धान क्षेत्रमा धेरै कार्य गर्न बाँकी रहेको जनाउँदै अनुसन्धानलाई समस्यामुखी बनाउनुपर्ने तर्क गरे । उनले आफ्नो लुम्ले बसाइ महत्वपूर्ण बनेको सम्झे । भौगोलिक हिसाबले कास्कीको अन्नपूर्णवासीले निर्देशनालयबाट अधिकतम् फाइदा लिन पाउनुपर्ने उनको जोड थियो।
२०३९ सालमा जिल्ला कृषि विकास कार्यालय रुकुममा प्राविधिक पदबाट सेवा प्रवेश गरेका पुन पछिल्ला २ वर्षयता कृषि अनुसन्धान निर्देशनालय लुम्ले निर्देशक थिए । उनले आफ्नोे सेवा अवधिमा विभिन्न ४२ वटा अनुसन्धान कृति र १८ वटा थेसिस एवम् पुस्तकहरु प्रकाशन गरेका छन्।
साथै उनी नेपाल विद्याभूषण ‘क’, गोर्खा दक्षिण बाहु चौथो लगायत विभिन्न पदकबाट विभूषित भइसकेको छन् ।उनले सेवा अवधिमा विशेषगरी फलफूल, तरकारी र फूलमा अनुसन्धान गरी निकालेका प्रविधिहरुबाट समग्र कृषि क्षेत्रलाई योगदान पुगेको चर्चा गरिन्छ ।
निर्देशनालयका नि. निर्देशक डा काशीनाथ चिलुवालको अध्यक्षतामा सम्पन्न उक्त कार्यक्रमको संचालन निर्देशनालयका कम्प्युटर अधिकृत खिमबहादुर क्षेत्रीले गरेका थिए ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१