सिर्जनशील लाेकतान्त्रिक प्रतिष्ठान पाेखराकाे नियमित मासिक कार्यक्रम विश्वव्यापी महामारीका कारण भर्चुअल रूपमा सम्पन्न भएकाे छ ।

जुमका माध्यमबाट सम्पन्न कार्यक्रममा प्रतिष्ठानका सहसचिव कृष्ण त्रिपाठीले `बालमैत्री वातावरणका विषयमा पाेखराका सामुदायिक विद्यालयका शिक्षकहरूको अनुभव कस्तो छ´ शीर्षकको कार्यपत्र प्रस्तुत गरेका थिए ।

पाेखराका विभिन्न सामुदायिक विद्यालयमा १५ वर्ष अध्यापन गराएका शिक्षकलाई सूचकका रूपमा लिएकाे बताउँदै बालमैत्री वातावरणकाे धारणा नभएर पहिला सजायका विविध रूपकाे उपयाेग गरेकाे तथा भद्दा शब्दमा गाली गरेकाे शिक्षकहरूले बताए पनि पछिल्लो समयमा भने त्यस्ता गतिविधि कम हुँदै गएकाे निचोड अनुसन्धानबाट खुलेकाे उनले बताए ।

कार्यक्रममा प्रमुख अतिथि त्रि.वि. गणित केन्द्रीय विभागका प्रमुख प्रा.डा. वेदराज आचार्यले कार्यपत्रमाथि धारणा राख्दै एक्काइसौँ शताब्दीका लागि बालमैत्री अध्यापन अत्यन्तै महत्त्वपूर्ण भएकाे र यसलाई सम्बाेधन नगरीकन `सबैका लागि शिक्षा´ भन्ने नारा पूरा नहुने सन्दर्भमा कार्यपत्रले अनुसन्धान गर्नु तारिफयाेग्य काम भएकाे बताए ।

उनले अगाडि भने : `परिष्कार गर्नुपर्ने कुरा केही देखिए पनि गुणात्मक अनुसन्धान ढाँचाको यसमा राम्रो उपयोग भएकाे छ ।´

प्रतिष्ठानका अध्यक्ष डा. भूमिराज बस्ताकाेटीकाे अध्यक्षतामा सम्पन्न कार्यक्रमकाे सञ्चालन सचिव डिल्लीराम पाैडेलले गरेका थिए ।