पोखरा, ४ असार । कटु आलोचना सहित सरकारका सबै काममा समर्थन गर्दै आएको छ, राष्ट्रिय जनमोर्चाले । छलफलका क्रममा देखेजति गल्ती केलाउँछन् र पास गर्ने बेलामा सत्तारुढ दलको पक्षमा हुन्छन्, जनमोर्चाका सांसदहरु ।
रकारलाई समर्थन गरेकै कारण ३ सदस्यीय जनमोर्चालाई संसदीय समितिको सभापति समेत बनाईएको छ । विहिबार आगामी बर्षको बजेटमाथी छलफल गर्दै जनमोर्चाकी सांसद पियारी थापाले सरकारले प्रश्तुत गरेको बजेटलाई सुन्तला मिठाईको संज्ञा दिईन् । ‘कोरोना महामारीको संघारमा सरकारले ल्याएको बजेटमा धन्यवाद र सफल कार्यान्वयनको शुभकामना । जनताहरु हात बाँधेर भोको पेटले रस्वस्वादन गर्नका लागि धागोले बाँधेर राखेको सुन्तला मिठाई कुरिरहेका छन् । कतिले खान पाएका छन् । कतिले पाएनन्,’ उनले भनिन्, ‘पाउनेको पनि भोक प्यास मेटिएन । बजेट सुन्तला मिठाई जस्तो छ । हेर्दा राम्रो र मिठो छ । तर सबैको पेट भरिदैन ।’
उनले बजेट समन्यायिक रुपमा नआएको बताईन् । योजना छनौटमा अदुरदर्शिता र हेलचेक्र्याईँ गरिएका कारण बजेटमाथी समग्र प्रदेशबासीले अपनत्व गर्न नसक्ने उनको तर्क छ । सांसद थापाले निर्वाचन क्षेत्र पूर्वाधार विकास कार्यक्रम खारेजीको माग गरिन् । कोरोना भाइरस नियन्त्रण र बेरोजगारी अन्त्यका लागि बजेट पर्याप्त नभएको थापाले बताईन् । प्रत्येक बर्ष तालिमका नाममा विनियोजन हुने बजेट प्रभावकारी कार्यान्वयन नभएकोमा उनको दुखेसो छ । ‘प्रत्येक बर्ष सीपमुलक तालिम भनेर बजेट ल्याईएको छ । अहिलेसम्म कतिले तालिम लिए रु कति जना स्वरोजगार भए रु त्यसको तथ्यांक खै रु,’ उनले भनिन् । उनले ऋण खोेजेर घ्यु खानुको कुनै औचित्य नरहेको बताईन् । ‘ऋण काढी काढी घ्यु कहिलेसम्म खाने रु ऋण काढेर घयु खाएर ज्यान बनाएको के काम रु भोलि त्यो ऋण कसले तिरिदिन्छ रु सरकारले हेक्का राखोस्,’ उनी भन्छिन् ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१