पश्चिम नवलपरासीको नेपाल भारत सीमा जोडिएको दश गजामा रोकिएकामध्ये ७० जना बढीलाई नेपाल भित्र्याइएको छ । पश्चिम नवलपरासीका सुस्ता गाउँपालिकाले उनीहरुलाई नेपाल भित्राएको हो ।
पछिल्लो समय भारतमा छिटपुट रेल र सरकारी बस चल्न थालेपछि त्यहाँका विभिन्न सहरमा रहेका नेपालीहरु घर फर्कन पश्चिम नवलपरासीको सिमावर्ती क्षेत्रका दशगजामा जम्मा भएका थिए ।
कोभिड–१९ को सुरक्षा सतर्कताअन्तर्गत दुई देशबीचको नाका शिल भएका कारण सयौं नेपाली दशगजामा आएर अड्एिका हुन् ।
तीन/चार दिनदेखि यहाँको सुस्ता, गुठी प्रसौनी, गेर्मी, भुजहवा लगायतका सिमावर्ती क्षेत्रका दशगजा वरपर ती नेपालीहरु बस्दै आएका थिए ।
देश छिर्ने आशामा सिमामा बस्दै आएका नेपालीलाई नजिकैका नेपाली र भारतीय बस्तीका स्थानीयले जसोतसो खाना खुवाउँदै आएका थिए । उनीहरुको अवस्था दिनानुदिन नाजुक हुँदै गएपछि नेपाल भित्र्याइएको सुस्ता गाउँपालिका अध्यक्ष रामप्रसाद पाण्डेले बताए ।
नेपालीहरु घर फर्कन सिमा तैनाथ सुरक्षावलमार्फत स्थानीय प्रशासनमा हारगुहार लगाइरहेकै बेला नेपालमा एक्कासी कोरोना संक्रमण बढेपछि उनीहरु पर्ख या फर्कको स्थितिमा पुगेका थिए ।
सिमामा रहेका सयौं नेपालीलाई उद्धार गरी सुरक्षित स्वदेश फर्काउन जिल्ला प्रशासन हँुदै माथिल्लो तहमा आवश्यक समन्वय भइरहेको यहाँका सुरक्षा निकायहरुले बताउँदै आएका थिए ।
सिमामा अड्किएका नेपालीहरुलाई सुरक्षा सतर्कता अपनाउँदै समयमा देशभित्र ल्याउन नसके खुला सिमानाबाट कतिपय लुकिछिपी खेतको बाटो गाउँ पुग्ने स्थिति बढ्दै गएको थियो ।
सिमामा नेपालीले खाना न पानी र खुला आकाश भरमा प्रशासनको मुख ताकेर बसिरहन नसक्ने स्थिति बन्दै गएपछि स्थानीय सुस्ता गाउँपालिकाले ७० भन्दा बढीलाई नेपाल ल्याएर क्वारेन्टाइनमा राखेको छ ।
भारतबाट आई सीमामा अलपत्र नेपालीलाई रेडजोनका र अन्यलाई गरी यहाँका ७ वटा क्वारेन्टाइन केन्द्रमा राखिएको गाउँपालिका अध्यक्ष रामप्रसाद पाण्डेले बताए ।
पाण्डेका अनुसार सिमावर्ती पालिका सुस्तामा यसअघि ५ ओटा क्वारेन्टाईन रहेकोमा पछिल्लो समय सिमाको दशगजामा रहेका नेपालीलाई राख्न २ वटा स्कूलमा क्वारेन्टाइन थपिएको हो ।
पालिकाले यसअघि कोभिड–१९ रोग नियन्त्रण तथा रोकथामका लागि तेश्रो मुलुक, छिमेकी देश भारत र नेपालकै अन्य भागबाट आउनेलाई गरी तीन किसिमको अलग–अलग क्वारेन्टाइन निर्माण अवधारणा ल्याएको थियो ।
प्रदेश–५ अन्तर्गत पश्चिम नवलपरासीमा अहिलेसम्म कोरोनाको संक्रमण देखिएको छैन । अब उनीहरुको स्वाब परीक्षणसमेत गरिने बताइएको छ । उनीहरुलाई नेपाल भित्र्याइएसँगै पश्चिम नवलपरासीमा पनि संक्रमणको जोखिम बढेको छ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
गण्डकीमा सभामुखले संविधान मिचेको कांग्रेसको आरोप
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
hero news full width
मुख्य समाचार
भलिबलमा अटल हिमाल
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१