पोखरा महानगरपालिका– ३३ स्थित बागमाराको पानी ट्याङ्कीमा आवागमन रोक्दै युवा । सरकारले लकडाउन गरे पनि सर्वसाधारणमा लापरबाही गर्ने क्रम भने नरोकिएको भन्दै अत्यावश्यक सेवा बाहेकका सवारीसाधनलाई आवागमनमा रोक लगाइएको हो । तस्वीरः वासुदेव पौडेल
पोखरा महानगरपालिका वडा नं ३३ स्थित बागमाराका युवा लकडाउनबारे जनचेतना जगाउने अभियानमा जुटेका छन् । बागमारा युवा संगम समूहको नेतृत्वमा सामाजिक दुरी कायम गर्दै कोरोनाको संक्रमण बढ्न नदिन गरिएको लकडाउनबारे जनचेतनामा अग्रसर भएका हुन् । उनीहरुले अत्यावश्यकीय सेवा बाहेकका सवारी साधन आवागमनमा रोक लगाएका छन् ।
कोरोना संक्रमण फैलन नदिन सरकारले लकडाउन अवधि बढाउँदै जाँदा यतिखेर नागरिकस्तरमा नै यसको पालना गर्ने र गराउनेतर्फ सचेतना बढ्दै गएको बागमारा युवा संगम समूहका अध्यक्ष महेश अर्यालले बताउनुभयो । “संक्रमण फैलन नदिन सरकारले गरेको लकडाउन पालना गर्नेतर्फ विस्तारै सचेतना बढ्दै त गएको छ, अझै पनि यसको पूर्ण पालना हुन सकेको छैन,” उहाँले भन्नुभयो । लकडाउन आफू र आफ्नो परिवारका लागि हो भन्ने कुरा प्रत्येक व्यक्ति व्यक्तिमा पुग्नु अपरिहार्य भएको बताउँदै उहाँले लापरवाही गर्ने क्रम रोक्नका लागि बाध्यात्मक रुपमा आवागमन बन्द गर्नुपरेको तर्क गर्नुभयो ।
सुरक्षा, औषधोपचार एवम् अन्य अत्यावश्यकीय सेवाका हकमा भने स्वयंसेवक नै राखेर सहजरुपमा आवागमन गर्न दिइने गरेको अर्का युवा सुरेन्द्र पौडेलले बताउनुभयो । “यो बेला आफू बाँच्ने र अरुलाई बचाउने बेला हो, लकडाउनको पालना स्वयं आफ्ना लागि नै हो भन्ने सबैले बुझ्नु आवश्यक छ,” उहाँले भन्नुभयो, “संक्रमण भित्रन नदिन सामाजिक रुपमा सचेतना अभिबृद्धि अपरिहार्य छ ।”
बाघमारामा जस्तै पछिल्ला दिन कास्कीका विभिन्न स्थानमा टोल विकास संस्था होस् वा युवा क्लब प्रत्येकले लकडाउन पालनाका लागि नागरिकस्तरमा नै निगरानी बढाएका छन् । जिल्लाको रुपा गाउँपालिकाले त लकडाउन शुरु भएयता गाउँपालिका प्रवेशमा नै रोक लगाएको छ । पालिका भित्रका ९ वटा नाकामा आवतजावत बन्द गराइएको गाउँपालिकाका अध्यक्ष नवराज ओझाले जानकारी दिनुभयो । “हामीले गाउँपालिका प्रवेश गर्ने मुख्य नाका बन्द गर्नुका साथै यहाँका प्रत्येक टोल विकास संस्थामा लकडाउनको पालनका लागि स्वयंसेवक समूह बनाएका छौँ,” उहाँले भन्नुभयो, “गाउँपालिकाको प्रयाससँगै नागरिकस्तरमा नै लकडाउनको पूर्ण पालना र निगरानी भइरहेको छ ।”
गाउँपालिका भित्रका १३८ वटा टोल विकास संस्थाका साथै युवा क्लब, आमा समूह सबै यसको पालना र कार्यान्वयनमा क्रियाशील बनेको उहाँले बताउनुभयो । कास्कीकै अन्नपूर्ण गाउँपालिकामा पनि टोल विकास संस्था, आमा समूह एवम् युवा क्लबले लकडाउनको पालनाका साथै यसको कार्यान्वयनका लागि नागरिकस्तरमा पहल गरिरहेको गाउँपालिकाका प्रमुख युवराज कुँवरले जानकारी दिनुभयो ।
गाउँपालिकामा झण्डै २०० को सङ्ख्यामा रहेका टोल विकास संस्थाले आ–आफ्ना टोलमा हालै विदेशबाट व्यक्तिका सम्बन्धमा सम्बन्धित निकायमा सूचना दिने एवम् उसको निगरानीसमेत गरिरहेको उहाँले बताउनुभयो । कोरोना संक्रमण भित्रन नदिन बाहिरबाट आउने मानिसलाई टोल टोलमा प्रवेशमा रोक लगाउने, लकडाउनको पालना गर्ने तथा गराउने कुरामा नगरिकस्तरमा नै काम भैरहेको उहाँले बताउनुभयो ।
(वासुदेव पौडेलकाे रिपाेर्ट)
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१