पोखरा ।कोरोना नियन्त्रण तथा रोकथामका लागि यतिबेला विभिन्न खाले प्रयास भैरहेका छन् ।सरकारले लकडाउन बढाउँदै लगिरहेका बेला नागरिकस्तरबाट पनि सावधानी र सतर्कता अपनाउने प्रयास जारी छ ।

यसैक्रममा पोखरा १३ सिग्देल मार्गमा सिग्देल मार्ग टोल विकास संस्थाले टोलभित्र अत्यावश्यक सेवा बाहेक सबैका लागि प्रवेश निषेध गरेको छ । टोलबासिले टोल प्रवेश गर्ने ६ भन्दा बढी स्थानमा प्रवेश निषेध लेखिएको व्यानर टाँस्दै बार लगाएका छन् । लकडाउनको बेलामा समेत टोलमा मानिसहरुको प्रवेश नरोकिएपछि बाध्य भएर प्रवेश निषेध गर्नु परेको संस्थाका अध्यक्ष रुद्रनाथ पौडेलले जानकारी दिए ।