पोखरा । कोरोेना महामारीका समयमा फिल्डमा गई काम (रिपोर्टिङ) गर्ने पोखराका पत्रकारहरुलाई पर्यटन व्यवसायी टासी गुरुङले सहयोग गरेका छन् ।

गुरुङले फिल्डमा खटिएका ५० भन्दा बढी पत्रकारहरुलाई २० थान गल्बस, एक थान ह्याण्ड सेनिटाइजर र एक थान एन ९५ मास्क सहयोग गरेका हुन् । पोखरा महानगरपालिका वडा १८ सराङकोट मेथ्लाङमा रहेको जुरासीक रिसोर्ट एण्ड भिल्लाका सञ्चालक समेत रहेका गुरुङले कोभिड–१९ संक्रमणबाट जोगिएर सहि सुचना सम्प्रेषण गर्न फिल्डमा गई काम गरिरहेका पत्रकारहरुलाई सहयोग गरेको बताए ।

पत्रकार महासंघ कास्कीका अध्यक्ष दिपेन्द्र श्रेष्ठले टासी गुरुङले गरेको सहयोग सम्मानिय रहेको बताए । श्रेष्ठले फिल्डमा हिड्नै परे सुरक्षित भएर हिड्ने नभए घरबाटै रिपोर्टिङ गर्न आग्रह गरेका छन्। एभिन्युज खबरका गण्डकी ब्यूरो प्रमुख सुमन ढुङ्गानाको पहलमा उक्त सामग्रीको व्यवस्थापन गरिएको थियो ।