कोरोना धपाउदै तमु धिं नेपालले ट्होटें पर्व मनायो

आदर्श समाज सम्वाददाता
चैत्र २५, २०७६
tohote 2076

पोखरा, २५ चैत्र । तमु जातिको पुरानो सामाजिक संस्था तमु धिं नेपालले मंगलवार पोखरामा ट्होटें पर्व मनाएको छ।कोरोना भाईरसको महामारीले विश्व संकटग्रस्त र नेपाल लकडाउनको विषम अवस्थामा पोखरा ९ नयाँबजारस्थित तमु धिं नेपालले कोरोना भाईरस धपाउदै ट्होटें मनाएको हो।

वर्षको दुई पटक चैत्रको अन्तिम मंगलवार र साउनको अन्तिम मंगलवार पोखराका सडक ढपक्कै ढाक्ने गरी ट्होटें खेल्ने गरेका तमुहरु यस पटक भने तमु धिं नेपालको कार्यसमितिले मात्रै तमु धिंमा ट्होटें खेल्दै थेवा ह्रीं कोरोनालाई धपाउदै सेति नदिको तिरमा सेलाएको हो।

तमु धिंका कार्यवाहक अध्यक्ष हुमबहादुर गुरुङ र कार्यसमिति सदस्य तथा ट्होटें समितिका संयोजक मेनकाजी गुरुङले पितृ र प्रकृतिलाई सम्मान, पराम्परा सँस्कृतिको संरक्षणको संकल्प गर्दै धुप हाले पश्चात सामाजिक दुरतालाई आत्मसाथ गर्दै तमु धिं कार्यालय भित्रबाट सुरुभएको ट्होटें तमु धिं परिसर हुदै सेतिको तिरमा सम्पन्न गरेको हो। सहभागीहरुले ढ्याङ्ग्रो, झ्याली, कोवारा बजाउदै चर्को स्वरका साथ परम्परागर हतियारहरु धनुष, तरबार, खुकुरी, हसिया, चिम्टा लगाउनका हतियार प्रयोग गरी शत्रु धपाएका थिए।

उक्त अवसरमा तमु धिंका कार्यवाहक अध्यक्ष हुमबहादुर गुरुङले परापुर्वकालमा तमुहरुले तमु ह्युल, गाँउ बस्ती सुसभ्य, सुसँस्कृत राख्नका लागि दुखदिने ह्रा ह्रीं, स्यागी म्यागी, बन्यजन्तुहरु, विभिन्न विकृतिहरुलाई सिमा कटाएर ह्युल सुरक्षित बनाउन मनाइदै आएको पर्व यस पटक विश्वभर महामारी फैलाएर कोरोनालाई धपाएर सांकेतिक रुपमा ट्होटें सम्पन्न गरेको बताउनुभयो।लकडाउनका कारण बृहत रुपमा ट्होटें खेल्ने अवस्था नरहे पनि सँस्कृतिलाई निरन्तरता र तमुहरुको साझा घर तमु धिंमा ट्होटें खेल्दै अहिलेको सबैभन्दा ठुलो शत्रु कोरोनालाई धपाउदै ट्होटे सम्पन्न गरेको भन्नुहुदै कावा अध्यक्ष गुरुङले शत्रुको प्रतिकार गर्न सबैले मनोबल उचो बनाउन समेत आग्रह गर्नुभयो।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width