मकवानपुर जिल्लाको इन्द्रसरोवर गाउँपालिकमा रहेको इन्द्रसरोवर ताल आन्तरिक पर्यटक माझ लोकप्रिय रहेको छ । विशेष गरि फेवा, बेगनास, रारा र तिलिचो मात्र चर्चामा रहेको बेला पछिल्लो समय इन्द्रसरोवरले ख्याती कमाएको छ । मानव निर्मित यस ताललाई पर्यटकले भने कुलेखानी तालको नामले चिन्छन् । कुलेखानी जलविद्युत आयोजनाको लागि पानीको मुख्य श्रोत इन्द्रसरोवर हो । यस तालको पानीलाई जाडो महिनामा विद्युत उत्पादन गर्न बाँधबाट छोड्ने गरिन्छ । इन्द्रसरोवरको लम्बाई ७ किलोमिटर, चौडाई ५०० मिटर र गहिराइ ११५ मिटर रहेको छ ।
पर्यटक आकर्षण गर्न यहाँ बहानाबाट चलाइने काठको डुंगादेखि प्याडलबाट चलाइने प्याडल बोटको व्यवस्था गरिएको । हाल यहाँ ४५ वटा सामान्य डुंगा र ५ वटा प्याडल बोटहरु रहेका छन् । काठको डुंगा शयर गरेको घण्टाको २०० रुपैयाँ लाग्छ भने ४ जना यात्रु क्षमता रहेको प्याडल बोटको भने एक घण्टाको १००० रुपैयाँ भाडा कायम गरिएको छ । यात्रुको लागि लाइफ ज्याकेट अनिवार्य गरिएको छ ।
साथै सम्भावित दुर्घटनामा पर्ने यात्रु तथा चालकको उद्धार गर्न मोटर बोटको व्यवस्था छ । आसपासका क्षेत्रहरुबाट इन्द्रसरोवर घुम्न आउनेहरु दिनभर बोटिङ गरेर माछा खाइ साँझ परेपछि फर्किन्छन् भने टाढाबाट आएकाहरु भने बास बसेर बिहान आफ्नो गन्तव्यतर्फ जान्छन् । यस तालमा सिल्भर कार्प, बिग हेड, बाम माछा, ग्रास कार्प , रहु जस्ता माछाहरु पाइन्छन् । शुक्रबार, शनिबार र अन्य बिदाका दिन काठमाण्डौ तथा हेटौडाबाट घुमन्तेहरु माछा खान तथा डुंगा चढ्न आइपुग्छन् ।
ताल किनार रहेको कलंकी तथा मार्खुुका रेष्टुरेण्टले माछाका विभिन्न परिकारहरु बेच्ने गर्छन् । माछा फ्राई, माछा करी बाहेक नयाँ परिकार पोलेको माछा पनि यहाँ पाइन्छ । रहु माछा भित्र च्याउ र मसला हालेर आगोमा पोलेको माछाको बासनाले साँझपख कुलेखानी क्षेत्र गुलजार हुन्छ ।
राजा वीरेन्द्रको पालामा निर्मित यो मानव निर्मित कृत्रिम तालमा पानी जम्मा गर्न १ सय १४ मिटर अग्लो र १० मिटर चौडा रक फिल (ढुंगा र माटो मिश्रित बाँध) ड्याम निर्माण गरिएको थियो । विजुली निकाल्नका लागि २०३१ सालमा दर्जनौं घरहरुलाई विस्थापित गरि बाँध बाँधिएको इन्द्रसरोवरमा २०३३ सालदेखि पानी जमाउन थालिएको थियो । स्थानीय डुंगा चालक सन्तबहादुर कुँवरका अनुसार प्रति रोपनी रु १३०० को दरले मुआब्जा दिएर तत्कालिन मार्खु गाविसबाट ५२५ र कुलेखानीबाट २५०० घर धुरीलाई पाखापखेरामा सारेर तत्कालिन सरकारले कुलेखानीमा पानी भराएको थियो ।
यो कुलेखानीमा ७ वटाको खोलाको पानी मिसिन्छ । ठाड खोला, पालुङ खोला, चित्लाङ खोला, सुकौरा खोला, बिसिनखेल खोला, चल्खु खोला, धस्को खोली गरि सात खोला अनि वर्षाले कुलेखानी भरिने गर्छ । पटकपटक समाचारहरुमा कुलेखानी भरिएको तथा पानी सतह निकै घटेको सूचनाहरु आउँने गर्दछन् । यस तालमा साउन, भदौ र मध्य असोजसम्म बाढी आएर ताल धमिलो हुने गर्दछ । वर्षेनी धेरै संख्यामा घुम्न आउने पर्यटकहरुको मृत्यु भएपछि तालमा पौडी खेल्न प्रतिबन्ध गरिएको छ ।
हाइकिङ वा साइक्लिङ गर्न पनि कुलेखानी क्षेत्र उपयुक्त छ । नजिकैको चित्लाङ गाउँमा बास बस्ने आएकाहरु हाइकिङ गर्न कुलेखानी झरेर साँझ फर्किने गर्छन् । गर्मी याममा शितलताको लागि इन्द्रसरोवर घुम्न आउनेहरु जाडो मौसममा भने आगो बालेर क्याम्प फायर गरि शरीर तताउन आउने गर्छन् । यस्तै साइक्लिङ गर्न पनि काठमाण्डौबाट शनिबार आन्तरिक पर्यटक झर्ने गर्छन् । तालको किनारमा पर्यटकहरु रमाउँदै सेल्फी खिचिरहेका देखिन्छन् ।
सप्ताहन्त शुक्रबार र शनिबार यहाँ थेग्नै नसकिने गरि पर्यटकहरुको हुल देखिन्छ । तालमा केज बनाएर माछापालन समेत गरिएको छ र ति केजहरुको हेरचाह गर्न तालको मध्य भागमा काठको घरहरु निर्माण गरिएको छ । निकै आकर्षक उक्त घरले पर्यटकलाई मोहित पार्ने गरेको छ । इन्द्रसरोवरबाट कुलेखानी १ र २ गरि ९२००० किलोवाट जलविद्युत उत्पादन गरिएको छ । इन्द्रसरोवर नजिकै ऐतिहासिक राणाकालीन दरबारहरु रहेका छन् । राणा प्रधानमन्त्री चन्द्र शमशेरको पालामा निर्मित दरबार मार्खु बजारको मध्य भागमा रहेको छ । यस्तै ताल नजिकैको झोलुंगे पुल तरेर आधा घण्टाको पैदल यात्रा पछि आकर्षक झर्ना देखिन्छ । बाह्य पर्यटक बढाउन यहाँ प्याराग्लाइडिङको सफल परीक्षण गरिए पनि व्यवसायिक रुपमा भने शुरुवात गरिएको छैन ।
खर्च र बसाई ः
काठमाण्डौबाट गाडीमा २ घण्टाको दूरीमा रहेको इन्द्रसरोवर घुम्न दुई दिन छुट्याउँदा उपयुक्त हुन्छ । पोखराबाट जाँदा थानकोटमा झरेर त्यहाँबाट चित्लाङ गाउँ पुगेर आधा घण्टामा ताल आइपुग्छ । नजिकैको होमस्टे वा होटलमा बसेर दुई दिनको खान खर्च तथा गाडी भाडा गरि करिब रु १० हजार रुपैयाँ जति लाग्छ ।
Related News
सम्बन्धित समाचार
दुर्घटना न्यूनीकरण गर्न ट्राफिक सप्ताह
नेपालकै ठूलो ‘हटमिक्स प्लान्ट’ बाट कालोपत्रे गरिँदै
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
दुर्घटना न्यूनीकरण गर्न ट्राफिक सप्ताह
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१