पोखरामा सहरी उत्थानशिलता परियोजना

आदर्श समाज सम्वाददाता
मंसिर २५, २०७६
agreement (1)_Fotor

पोखरा महानगरपालिका भए पनि ग्रामीण भूभागले घेरिएको छ। सामान्यतः नगरपालिका भनेकै व्यवस्थित सहर हो। तर पोखरामा पछि थपिएका वडाहरु पूरै विकट छन्। विकासका पूर्वाधार अझै पुग्न सकेका छैनन्। यातायात, शिक्षा, स्वास्थ्य, सुरक्षा लगायत पूर्वाधार नहुँदा बसाईसराईको दर वषेर्नी बढिरहेकै छ। अहिले गाउँ र शहरबीचको दुरी कम गराउन पोखरा महानगरले विभिन्न परियोजना अघि बढाएको छ। मंगलबार बेलायतको अन्तराष्ट्रिय विकास मन्त्रालय (डीएफआईडी) सँग सहरी उत्थानशिलता परियोजना सञ्चालनबारे सम्झौता भएको छ।

आर्थिक वृद्धि र अवसरलाई समन्यायिक वितरण गर्दै ग्रामीण क्षेत्रको विकासमा टेवा पुर्याउने परियोजनाको लक्ष्य छ। ‘डीएफआईडीसँग राम्रा जनशक्ति छन्। हामी अर्वान डेभलोपमेण्टमा पाइला सार्दै गर्दा यसले राम्रै सहयोग पुग्ने विश्वास छ, ’ पोखराका मेयर मानबहादुर जिसी भन्छन्, ‘शहर र गाउँलाई कसरी जोडने? आर्थिक वृद्धिदर कसरी बढाउने, राजश्व संकलनलाई कसरी प्रभावकारी बनाउने यसको खाका परियोजनाबाट तयार हुन्छ। ’

मेयर जिसी र डीएफआईडीका उत्थानशीलता तथा समावेशीता टोली प्रमुख साइमन लुकासले सम्झौतापत्रमा हस्ताक्षर गरे। सम्झौता अनुसार डीएफआईडीले महानगरमा सञ्चालित परियोजनामा प्राविधिक सहयोग गर्ने, यसका लागि आवश्यक खर्च तत्कालै उपलब्ध गराउने, कुनै समस्या भए तत्काल समाधान गर्ने लगायत समझदारी गरेको छ। महानगरले चाहीँ उपलब्ध भएका कर्मचारीलाई आवश्यक सहयोग गर्ने प्रतिबद्धता जनाएको छ।

पोखरालाई समृद्ध आर्थिक रुपमा समृद्ध बनाउने, सुसंस्कृत र आधुनिक सहर निर्माण गर्ने काममा यो परियोजनाले प्राविधिक सहयोग गर्ने सम्झौतापत्रमा उल्लेख छ। यो परियोजना ४ बर्ष ६ महिनासम्म चल्नेछ। कार्यक्रममा परियोजनाका राजीतिक सल्लाहकार तथा नेपाल सरकारका पूर्व सचिव कृष्ण ज्ञवालीले परियोजना आर्थिक अवसरको विविधिकरण, लगानीको आवश्यकता, वातावरणमैत्री लगानी, सहरी सुशासन, स्थानीय सरकारको संस्थागत क्षमता बढाउन फलदायी हुने बताए। दीगो सहरी विकास, लगानी सहजीकरणमा पनि यसको जोड छ।

डिएफआइडीका उत्थानशीलता तथा समावेशीता टोली प्रमुख लुकासले पोखराले कृषि र पर्यटनको क्षेत्रमा बढी ध्यान दिने सुनाए। पोखरालाई अन्तराष्ट्रिय सहर बनाउन सके कामबाट अवकास लिएका विश्वका धेरै व्यक्तिहरु यहाँ बस्न आउने वातावरण बन्ने उनको विश्वास छ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…
  • गण्डकी सरकारको ३२ अर्ब ९७ करोड बराबरको बजेट सार्वजनिक

    आदर्श समाज सम्वाददाता असार २, २०८१
    पोखरा । गण्डकी प्रदेश सरकारले आगामी आव २०८१/८२ का लागि ३२ अर्ब ९७ करोड ८५ लाख ७५ हजार बराबरको बजेट…

hero news full width