प्यासिफिक एसिया ट्राभल एशोसिएसन (पाटा) नेपाल च्याप्टरले चाइना आउट बाउण्ड टुरिजम रिसर्ज इन्स्टिच्युट (कोट्री) सँग पर्यटकलाई नेपालमा भित्रयाउन एक समझदारी गरेको छ।

जसअन्तर्गत आवश्यक माकेर्टिङ तथा प्रवद्र्धनात्मक कार्यक्रम, अनुसन्धानमार्फत आवश्यक ज्ञान र तथ्य सम्प्रेषण तथा वितरण लगायत मानव संशाधन विकाससम्बन्धी तालिम कार्यशाला रहेका छन्।

यस्तै, मंसिर २० मा नयाँदिल्लीस्थित द पार्क होटलमा पाटा इण्डिया च्याप्टरद्वारा आयोजित ‘टुरिजम पावर हाउस’ कार्यक्रममा पाटा नेपालका अध्यक्ष सुनिल शाक्य र कोट्रीका सिइओ प्रोफेसर डा. वोल्फ ग्याङगले सहकार्य सम्झौतापत्रमा हस्ताक्षर गरेका हुन्।

उक्त सहकार्य सम्झौतापत्र हस्ताक्षर कार्यक्रममा पाटा नेपालका महासचिव विभूतिचन्द ठाकुर, सिइओ सुरेशसिंह बुडाल र भ्रमण वर्ष २०२० का प्रबन्धक रोहिणी खनाल तथा कोट्रीकातर्फबाट हेडअफ सेल्स नविनकुमारले समेत उपस्थित थिए।

कोट्री चाइनाको आउड बाउण्ड पर्यटन बजारको सन्दर्भमा अनुसन्धान, जानकारी, तालिम, गुणस्तर निर्धारण तथा परामर्श प्रदान गर्ने विश्वकै अग्रणी एवम् प्रख्यात रिसर्च इन्स्टिच्युट हो।

पाटा नेपालद्धारा कोट्रीसँगको दीर्घकालीन सहकार्य गर्ने सम्झौता, नेपालका लागि विश्वकै सबैभन्दा ठूलो पर्यटन स्रोत बजार (चाइना) मा रहेको बृहत् अवसर र सम्भाब्यता उजागर गर्न एक महत्वपूर्ण कदम भएको पाटा नेपालका महासचिव विभूतिचन्द ठकुरीले जानकारी दिए। उनले पाटा नेपाल र कोट्रीको सहकार्य आगामी वर्ष २०२० फेब्रुअरी २२ देखि २५ सम्म काठमाडौँमा आयोजना हुने नाईस (नेपाल इण्डिया चाहिना एक्सपो) देखि शुरुवात भई निरन्तर रुपमा अगाडि बढ्ने समेत बताए।