पोखरा । कास्की निर्वाचन क्षेत्र २ मा शनिवार सम्पन्न उपनिर्वाचनमा ६४ प्रतिशतले मतदान गरेका छन् ।
कास्कीका प्रमुख जिल्ला अधिकारी रमेशकुमार केसीले कास्कीका सबै ८२ मतदान केन्द्र र ३२ मतदान स्थलमा शान्तिपूर्ण रुपमा मतदान सम्पन्न भएको बताए।
जिल्ला निर्वाचन कार्यालय कास्कीका सूचना अधिकारी रुद्रनाथ न्यौपानेका अनुसार मतदान केन्द्रबाट मतदान अधिकृतले दिएको सूचनाका आधारमा ६४ प्रतिशतमत खसेका छ । यसमा एक प्रतिशत तलमाथि हुनसक्छ ।
एक/दुई केन्द्रमा १५/२० मिनेट मतदान रोकिएको भएपनि मतदान पुनःसुचारु भएको थियो । मतपेटिका शनिबार साँझ नै जिल्ला समन्वय समिति कास्कीको सभाहलमा ल्याइने र साँझ सर्वदलीय बैठकको निर्याणबाट पास भएमा शनिवार राति १० बजेदेखि नै गणना शुरु गरिने कास्कीका प्रमुख जिल्ला अधिकारी रमेशकुमार केसीले बताए । शनिवार राति सहमति नभए आइतवार विहानदेखि गणना शुरु गरिनेछ ।
मतदान शनिबार विहान ७ :०० बजेदेखि शुरु भई साँझ ५ बजे सकिएको हो । अघिल्लो निर्वाचनमा भन्दा यस निर्वाचनमा करिव ९ प्रतिशतले कम मत खसेको छ । निर्वाचन हुने सबै मतदानस्थल र मतदान केन्द्रमा सुरक्षा व्यवस्था कडा पारिएका भएपनि चार मतदान केन्द्रको छेउछाउमा बम विस्फोट भएका थिए । तर मानवीय क्षती भने नभएको प्रमुख जिल्ला अधिकारी केसीले बताए ।
कास्की २ मा ७१ हजार ८ सय ७१ मतदाता रहेकामा ४५ हजार ६ सय ७९ मत खसेको जिल्ला निर्वाचन कार्यालय कास्कीले दिएको छ । अघिल्लो चुनावमा ७० हजार ६ सय ५१ मतदातामध्ये प्रत्यक्षतर्फ प्रतिनिधिसभामा ४९ हजार ९ सय १३ मत खसेको थियो ।
कास्की २ को निर्वाचन क्षेत्रभित्र महानगरको ४, ७, ८, ९, ११, १५, १६, १७, २०, २१ र ३३ नम्बरगरी ११ वटा वडा पर्छन् । पोखराको मासवारस्थित श्रीकृष्ण मावि मतदान केन्द्रमा १०३ वर्षीया चन्द्रकला पाध्या गौतमले मतदान गरेकी छन् भने केही केन्द्रमा किरियापुत्रीले समेत मतदान गरेका छन् ।
नेकपाकी उम्मेदवार विद्या भट्टराई अधिकारीले पोखरा–३३ भरतपोखरीको शान्ति उदयमावि केन्द्रबाट मतदान गरेकी थिइन् भने नेपाली काँग्रेसका उम्मेदवार खेमराज पौडेल कास्की निर्वाचन क्षेत्र नं ३ का भएकाले मतदान गर्न पाएनन् । समाजवादी पार्टीका उम्मेदवार धर्मराज गुरुङले पोखरा–१६ बाट मतदान गरे भने साझा पार्टीकी उम्मेदवार रजनी केसीले पोखराको वडा नं ४ बाट मतदान गरेकी छन् ।
केन्द्रमा मतदान अधिकृत र सहायक मतदान अधिकृत, कर्मचारी र सहयोगी गरी कुल ४ सय १० जना कर्मचारी खटिएका थिए । प्रत्येक मतदान केन्द्रमा ५ जना कर्मचारी खटिएको सहायक निर्वाचन अधिकृत रामचन्द्र उपाध्यायले जानकारी दिए ।
तत्कालीन संस्कृति, पर्यटन तथानागरिक उड्ययनमन्त्री स्व रवीन्द्र अधिकारीको हेलिकोप्टर दुर्घटनामा परी निधन भएपछि कास्की २ मा उपचुनाव भएको हो । ११ राजनीतिक दल र १० स्वतन्त्र गरी २१ जना चुनावी प्रतिस्पर्धामा छन् ।
मतदानस्थलको सुरक्षाका लागि पहिलो घेरामा नेपाल प्रहरी, दोस्रो घेरामा सशस्त्र प्रहरी र अन्तिम घेरामा नेपाली सेना तैनाथ गरिएको थियो । हरेक मतदानस्थलमा १५ देखि २० प्रहरी, २२ जना सशस्त्र र नेपाली सेना खटिएको थियो ।
चुनाव लक्षित सुरक्षामा चुनौति बढ्न सक्ने भन्दै कास्की प्रहरीले शंकास्पद केही ब्यक्तिहरुलाई पक्राउ गरेको थियो । बिप्लव नेतृत्वको नेपाल कम्युनिष्ट पार्टी निकट अखिल (क्रान्तिकारी) की केन्द्रीय सदस्य एवं कास्की जिल्ला कार्यबाहक अध्यक्ष आस्था नेपाली र मेघनाथ आचार्यलाई प्रहरीले पक्राउ गरेको छ । यसअघि प्रदर्शनी केन्द्रमा विस्फोट लगत्तै फिर्केखोला मापदण्ड सरोकार समितिका महासचिव कृष्णप्रसाद घिमिरे ‘टिकाराम’लाई पक्राउ गरेको थियो ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१