पोखराको धार्मिक तथा पर्यटकीय क्षेत्र घार्मीको ओमकारेश्वर महादेव मन्दिर परिसरमा शतबीज छरिएको छ।

बालाचर्तुदशी पर्वको अवसरमा स्थानीय ओमकारेश्वर महादेव मन्दिर व्यवस्थापन समितिले आयोजना गरेको कार्यक्रममा त्यस क्षेत्रका भक्तजन तथा अर्मला, पुरञ्चौर, भलाम, सार्दीखोला, हेम्जा, हरिपाउ, कुरेचौर र पोखराका विभिन्न क्षेत्रबाट पुगेका भक्तालुहरुले आफ्ना पितृको सम्झना गरी भगवान् शिवको आराधना गरी मन्दिर परिसरमा शतबीज छरेका थिए।

स्थानीय सावित्री पौडेलको घरबाट वाजागाजा र भजन कीर्तनसहित धार्मिक परम्परा अनुसार फूलको डोली मन्दिर परिसरमा ल्याएपछि डोलीसगसगै शतबीज छर्नेको घुइँचो लागेको स्थानीय अभिशेक पौडेलले जानकारी दिए।

साँझसम्म पनि मन्दिरमा पूजा गर्ने र शतबीज छर्न मन्दिर परिसरमा भक्तालुहरुको घुइँचो लागेको समितिका अध्यक्ष टीकाराम पौडेलले बताए।

स्थानीय भजन मण्डलीले साझसम्म पनि भजन किर्तन गरेका थिए। त्यस क्षेत्रमा पुगेका भतmजनहरुले घार्मीलाई धार्मिक पर्यटकीय क्षेत्रको रुपमा विकास गर्न स्थानीय वासिन्दालाई सुझाव दिएका छन।

घार्मीमा पछिल्ला दिनमा दृश्य अवलोकनका लागि स्वदेशी तथा विदेशी पर्यटकहरु पुग्ने गर्दछन। बाला चर्तुदशी पर्व र शिव रात्रीमा त्यस क्षेत्रमा धार्मिक मेला नै लाग्ने गरेको छ।