पूर्वी नवलपरासीको कावासोतीमा ६ सय २३ जना अपाङ्गता भएका व्यक्ति फेला परेका छन्।
कावासोती नगरपालिकाको अपाङ्गता परिचय पत्र वितरण समितिले ५ महिना लगाएर तथ्यांक संकलन गरेर यो संख्या पत्ता लगाएको हो।
अपाङ्गता भएका व्यक्तिहरुलाई वडा वडामा पुगेर शिविर नै सञ्चालन गरी परिचय पत्र समेत वितरण गरिएको कावासोती नगरपालिकाको अपाङ्गता परिचय पत्र वितरण समितिका सदस्य सागर लुइटेलले बताए।
कावासोती नगरपालिकामा उपप्रमुख प्रेमशंकर मर्दनियाको नेतृत्वमा नगरपालिका स्तरीय अपाङ्गता परिचय पत्र वितरणसमिति रहेको छ। सोही समितिले अपाङ्गता भएका व्यक्तिहरुको पहिचान गरी परिचय पत्र वितरणका लागि १७ वटा वडामा एक/एक दिन र नगरपालिकामा २ दिन गरी १९ दिन शिविर नै सञ्चालन गरेको थियो।
कावासोती नगरपालिकामा भेटिएका अपाङ्गता भएका ६ सय २३ जना मध्ये २ सय ४४ जना महिला र ३ सय ७९ जना पुरुष छन्।
नगरपालिकाले क, ख, ग, र घ वर्ग गरी चार प्रकारमा विभाजन गरी परिचय पत्र प्रदान गरेको छ। ती मध्ये क वर्ग अपाङ्गता भएकाले मासिक ३ हजारका दरले र ख वर्गका अपाङ्गता भएकाले मासिक १ हजार ६ सय रुपैयाँका दरले सामाजिक सुरक्षा भत्ता पाउने गर्दछन्।
कावासोतीमा १ सय १२ जनालाई क वर्गको परिचय पत्र र ३ सय ६३ जनालाई ख वर्गको परिचय पत्र वितरण गरिएको छ। त्यसैगरी १ सय ३९ जनालाई ग वर्गको र ९ जनालाई घ वर्गको परिचय पत्र वितरण गरिएको छ। अपाङ्गता परिचय पत्र लिन छुटेकोहरुले सम्बन्धित वडा कार्यालयमा गएर सिफारिस लिई नगरपालिकाबाट परिचय पत्र लिने प्रावधान रहेको छ।
कावासोती नगरपालिकाको नयाँ कार्यविधि अनुसार कावासोती नगरपालिकामा ६ सय २३ जनाले अपाङ्गता भएको व्यक्तिको परिचय पत्र प्राप्त गरेका हुन्।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१