पोखरा साग गेम टिकट शुल्क : साधारण १ सय, सिजनल ५ सय

आदर्श समाज सम्वाददाता
मंसिर १०, २०७६
SAG logo

पोखरा रंगशालामा आयोजना हुने १३ औं दक्षिण एशियाली खेलकुद प्रतियोगिता(साग)को खेल हेर्न प्रवेश शुल्क तय गरिएको छ।

सागको लागि साधारण टिकटका लागि १ सय रुपैयाँ तय गरिएको छ। सिजनल टिकट भने ५ सय रुपैयाँ तोकिएको छ। स्थानीय साग व्यवस्थापन अन्तर्गत स्रोतसाधन परिचालन समितिले सोमबार टिकटको शुल्क निर्धारण गरेको हो।

साधारण र सिजनल टिकट लिएरै पोखरा रंगशाला परिसरभित्र छिर्ने अवसर दर्शकले पाउनेछन्। अन्यथा टिकट विना साग खेल हेर्नबाट सर्वसाधारण बञ्चित हुनेछन्।

‘साधारण १ सय रुपैयाँ र सिजनलको लागि ५ सय रुपैयाँ तोकिएको छ, ’ समितिका संयोजक सञ्जिबबहादुर कोईरालाले भने, ‘साधारणले टिकट लिएका दर्शकले एकदिन मात्रै हेर्न पाउँछन्। अन्य दिनको लागि फेरी टिकट लिनुपर्छ। सिजनल टिकट लिनेले साग प्रतियोगिता अवधिसम्म हेर्न पाउने छन्। ’

पोखरा रंगशालाभित्र ६ खेल हुनेछ। महिला फुटबल, महिला क्रिकेट, आर्चरी, ह्याण्डबल र व्याडमिन्टन हुनेछ। भारोत्तोलन पोखरा–११ माटेपानीस्थित एस.आर.केसी पार्टीप्यालेसमा, विच भलिबल र ट्रायथोलन लेकसाईडमा आयोजना हुने छ। ट्रायथोलन बाहेक अन्य सबै खेलमा दर्शकले टिकट लिएपछि मात्रै प्रवेश पाउने कडाई गरिएको छ। महिला फुटबलको फाईनलको लागि भने २ सय रुपैयाँ तोकिएको छ।

सुरक्षाको दृष्टिकोणले पनि टिकटको व्यवस्था गर्नुपरेको कोइरालाले बताए। टिकट लिएपछि दर्शकलाई अनुशासित र मर्यादित बनाउनेमा समिति विश्वस्त रहेको कोइरालाको भनाई थियो। ‘टिकट नलिदाँ भद्रगोल हुने सम्भावना देखियो, ’ उनले भने, ‘ट्रायथोलन बाहेकका ७ खेलको लागि शुल्क तय गरिएको हो। ’

महिला फुटबलको लागि अहिले झण्डै ८ देखि १० हजार सिट क्षमता मात्रै जडान गरिनेछ। व्याडमिन्टन हलमा झण्डै ४ सय दर्शक अटाउने क्षमताको हुने समितिका संयोजक कोइरालाले सुनाए। भारोत्तोलन आयोजनास्थल पार्टीप्यालेसमा ६ सय दर्शक अटाउने जनाइएको छ।

‘सिजनल ५ हजारप्रति र साधारण १५ हजार प्रति टिकट विक्री गर्ने योजना छ, ’ उनले भने, ‘विक्री टिकटबाट प्राप्त रकम खेलकुदको पुर्वाधारमा खर्च गरिने निर्णय समेत गरिएको छ। साधारण र सिजनल टिकटबाट ४० लाख रुपैयाँ उठाउने योजना समितिको छ। ’

टिकटबाट संकलित रकमलाई पश्चिमाञ्चल क्षेत्रीय खेलकुद विकास समितिको निर्देशनमा खर्च गरिने उनको भनाई थियो। विच भलिबलको लागि ५ सय दर्शक क्षमताको प्यारापिट बनाईने कास्की जिल्ला भलिबल संघका अध्यक्ष एवं विच भलिबल निर्माण उपभोक्ता समितिका अध्यक्ष भीमप्रसाद पराजुलीले जानकारी दिएका छन्। उनका अनुसार दुईवटा कोर्टलाई लक्षित गरेर अस्थायी प्यारापिट बनाईनेछ। कोर्टको पश्चिमतर्फ भने खुला नै रहनेछ। पश्चिमतर्फ तालसँगै फुट ट्रयाक छ। पोखरा रंगशालाभित्र पुर्वाधारसँगै व्युटिफिकेशनको काम भईरहेको छ। महानगरपालिकाले पनि व्युटिफिकेशनप्रति सम्वेदनशिल देखिएको छ। यही मंसिर १५ देखि २४ गतेसम्म विभिन्न खेलस्थलमा खेल सञ्चालन हुने छ।

Related News

सम्बन्धित समाचार

  • न्यू मोडलको फुटसल सुरु

    आदर्श समाज सम्वाददाता असार ७, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ७, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…
  • हक्की प्रतियोगिता हुँदै

    आदर्श समाज सम्वाददाता असार ७, २०८१
    पोखरा । प्रदेश खेलकुद परिषद गण्डकीको आयोजना तथा गण्डकी प्रदेश हक्की संघ व्यवस्थापनमा शुक्रबारदेखि प्रदेशस्तरीय अन्तरजिल्ला हक्की प्रतियोगिता हुँदैछ ।…
  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…

hero news full width