पोखरा, ८ मंसिर । संचार तथा सूचना प्रविधि मन्त्री गोकुल बास्कोटाले काँग्रेस सभापति शेरबहादुर देउवासँग विगतमा भएका सन्धीसम्झौताको जवाफ मागेका छन् ।
शुक्रवार पोखरामा चुनावी सभालाई सम्बोधन गर्दै देउवाले प्रधानमन्त्री केपी शर्मा ओलीको सहमतिमा भारतले नयाँ नक्सा जारी गरेको आरोप लगाएपछि त्यसलाई खण्डन गर्दै बास्कोटाले विगतमा भएका सम्झौताको जवाफ खोजेका हुन् । ।
शनिवार पोखराका संचारकर्मीसँग आफ्नो भनाइृ राख्दै मन्त्री वास्कोटाले भने– ‘प्रमुख प्रतिपक्षी दलका नेताले त्यस्तो बोल्नुभए जस्तो लाग्दैन । त्यसो भए गम्भीर प्रश्न उठाउनुपर्ने भयो । टनकपुर सन्धी हामीले विर्सिएका छैनौंं । त्यसमा देउवको दृष्टीकोण के हो ?,’ उनले भने, ‘आरोप सत्यमा आधारित हुनुपर्छ । गण्डकी, कोशी लगायत सम्झौताको एकमुष्ट जवाफ देउवा र वहाँको पार्टीले दिनुपर्छ ।’
सरकारलाई मुण्टो लुकाएर राष्ट्रियताको पक्षमा हिड्नुपर्ने अवस्था नरहेको उनको भनाई छ । सीमा सुरक्षाका बिषय राष्ट्रभक्तिको मुद्दा भएकोले चुनावी मसला बनाउन नहुने उनको आग्रह छ । ‘अतिक्रमण हाम्रा लागि स्विकार्य छैन । यति सस्तो कुरा वहाँले बोल्नु पनि हुँदैन । प्रधानमन्त्रीले राखेको सर्वदलीय बैठकमा वहाँले सबै मुद्दामा सहमति जनाउनु भएको छ,’ उनले भने, ‘अहिले यति गम्भीर बिषयलाई चुनावी मसला बन्नु हुँदैन । सरकार देशभक्तिको प्रश्नमा लरवरिँदैन ।’
सरकारका प्रबक्ता समेत रहेका बास्कोटाले शालिनता पूर्वक समस्या समाधान गर्ने बताए । ‘कुटनीतिक नोट पठाईसकेका छौं । राजदुतले पनि उता विरोध गर्नुभएको छ । प्रधानमन्त्रीले खुलेरै अतिक्रमित भूमि नेपालको भएको बताउनुभएको छ,’ उननले भने– ‘हामीले आलमोडा मागेका हैनौं । नालापानी पनि मागेका हैनौं । युद्धका बेला हामीले गुमाउनुप¥यो । कालापानी, लिपुलेक र लिम्पियाधुरा हाम्रो हो । तथ्य, प्रमाण र दसीका आधारमा फिर्ता लिन्छौं ।’ कर कार्यालय र जनगणना यसको मुख्य प्रमाण रहेको उनको भनाई छ ।
सरकारले ल्याउन लागेको संबैधानिक परिषद संविधानले दिएको अधिकार भित्रै रहेको भन्दै रोइलो नगर्न आग्रह गरे । ‘प्रतिपक्षीले गाँठो कसेको कसै छन् । २१ महिनादेखि परिषद बनेको छैन,’ उनले भने, ‘सकेसम्म सहमतिमा जाने हो नत्र बहुमतको प्रयोग गर्नुपर्छ । यो संविधान विपरित छैन ।’ पोखरामा पत्रकारहरुसँग कुरा गर्दै बास्कोटाले सरकारले बनाउन लागेको सूचना प्रविधि विधेयक पत्रकारिता र सामाजिक सञ्जालको विभाजनका लागि ल्याउन लागेको बताए ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
hero news full width
मुख्य समाचार
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१