विदेशमा विकास कसरी हुन्छ देखाउछु – धर्मराज

आदर्श समाज सम्वाददाता
मंसिर ७, २०७६
dharma (1)

पोखरा, ७ मंसिर । पोखरा–१७ मा घरदैलोमा पुगेका समावजादी पार्टीका उम्मेदवार धर्मराज गुरुङलाई मतदाताले चुनाव जितेर निस्वार्थ देशको सेवामा लाग्न आग्रह गरेका छन् ।

देशका लागि निश्वार्थ सेवा गर्ने सांसदको अभाव रहेको बताउँदै त्यो अभाव पूरा गर्न बिरौटा, छोरेपाटनमा घरदैलामा गएका धर्मराजलाई मतदाताले आग्रह गरेका हुन् । मतदाताको आग्रहपछि उम्मेदवार इन्जिनियर गुरुङले कुलमान घिसिङले जनविद्युतको क्षेत्रमा गरेको क्रान्तिको स्मरण गर्दै आफूपनि त्यसरी नै लाग्ने बताए । ‘कुलमान घिसिङ जसरी रात दिन नभनी लागेर सिंगो नेपाललाई लोडसेडिङमुक्त बनाए । म पनि २४ सै घण्टा खटेर देशमा सुशासनको लागि सिस्टम बनाउँछु,’ उम्मेदवार गुरुङले भने, ‘एक पटक मौका दिनुस् । काम गरेर देखाउने जिम्मा मेरो भयो ।’

अरुपार्टी व्यक्तिगत तथा दलगत स्वार्थमा फसेका कारण देशमा विकास निर्माण र सुशासनको सिस्टम नबसेको गुरुङले बताए । पुरानापार्टी स्वार्थ, पद र शक्तिको पछाडि दौडिएका छन् आफूभने कुनैपनि खालको स्वार्थ नलिइकन चुनावमा होमिएको गुरुङको भनाइ थियो । ‘मलाई न पैसा चाहिएको छ । न कुनै ठूलो पद ओगटेर बसौंला भन्ने छ । न छोराछोरी नातिनातिना वा आफन्तलाई जागिर खुवाउँला भन्ने छ । मलाई न सरकारी निकायमा कसैलाई नियुक्ति गरौंला भन्ने छ’ उम्मेदवार गुरुङले भने, ‘मलाई त एकमात्र स्वार्थ छ, सरकारी कामकाज र जनताको सेवामा सबले महसुश गर्ने गरी टेक्नोलोजिको विकास गर्ने ।’

सयुक्त राष्ट्र संघमा इन्जिनियरका रुपमा १ सय ८० भन्दा बढी देशका मान्छेहरुसँग काम गर्दा र विकसित भनिएका देशलाई नजिकबाट हेरेर आफ्नो देशमा निम्ती मैदानमा उत्रिएको गुरुङले बताए । ‘देश विकास र सुशासनका क्षेत्रमा कसरी काम गर्ने भन्ने कुरा विकसित देशमा देखेको छु । काम गरेको छु, बुझेको पनि छु,’ उम्मेदवार गुरुङले भने, ‘हात चिन्हमा भोट दिएर एक पटक मौका दिनुस्, म देखाइदिन्छु ।’

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…
  • गण्डकी सरकारको ३२ अर्ब ९७ करोड बराबरको बजेट सार्वजनिक

    आदर्श समाज सम्वाददाता असार २, २०८१
    पोखरा । गण्डकी प्रदेश सरकारले आगामी आव २०८१/८२ का लागि ३२ अर्ब ९७ करोड ८५ लाख ७५ हजार बराबरको बजेट…

hero news full width