म्याग्दी,५ मंसिर । यहाँको एक क्लबले तिहारको अवसरमा देउसी भैलो खेलेर संकलन भएको रकम सडक मर्मतमा खर्च गरेको छ । म्याग्दीको मालिका गाउँपालिका –४ पूुलबारी रहेको छहारी युथ क्लबले देउसी भैलो खेलेर संकलन भएको रकम सडक मर्मतमा खर्च गरेको हो ।
तिहारको अवसरमा देउसी भैलो खेलेर संकलन भएको रकम वनभोज लगायतका मनोरञ्जनको क्षेत्रमा खर्चिने परिपाटीको विकास भैरहेको सन्दर्भमा क्लबले कच्ची सडक मर्मत गरी रचनात्मक कार्यको थालनी गरेको छ ।
देउसी भैलो मार्फत संकलन भएको १ लाख ३ हजार रुपैयाँ मध्ये ७० हजार रुपैयाँ लगानीमा गाउँभित्रको सडकलाई ग्राभेल गरि मर्मत गरिएको क्लबका अध्यक्ष तुलन बुढामगरले जानकारी दिए । उनका अनुसार, फुलवारीको तल्लो बजारदेखि र माथिल्लो बजारसम्मको करिब ७ सय मिटर सडक मर्मत गरिएको छ । शिक्षा ,स्वास्थ्य तथा विभिन्न सामाजिक क्षेत्रमा सक्रिय क्लबले यस वर्ष देउसी भैलो खेलेर संकलन भएको रकम गाउँभित्रको कच्ची सडक मर्मतमा खर्च गरेको जनाएको छ ।
‘तिहारको अवसरमा क्लबको आयोजनामा देउसी भैलो खेलेर संकलन भएको रकमबाट सडक मर्मत गरिएको हो’, क्लब अध्यक्ष बुढा मगरले भने । ‘क्लब र स्थानीयको श्रमदानमा गाउँभित्रको करिब ७ सय मिटर कच्ची सडकमा ग्राभेल गरिएको छ । ’सडक खाल्टाखुल्टीको कारण हिलो हुने र सवारी वारपार समेत प्रभावित हुने गरेको सन्दर्भमा क्लबले सडकमा ग्राभेल गरेपछि राहत भएको छ । सडक मर्मतमा स्थानीय ५० बढी घरधुरीले दुई दिनसम्म श्रमदान समेत गरेका थिए । देउसी भैलोको संस्कृति संरक्षण संगै संकलन भएको रकमलाई विकास निर्माणको क्षेत्रमा परिचालन गरिएको क्लबका सचिव कमल सापकोटाले बताए ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१