पोखरा, २ मंसिर । कास्कीमा रहेका १२ वटा विद्यालयको समूह एपेक्सले ४ दिवसीय खेलकुद कार्यक्रम सम्पन्न गरेको छ ।

खेलकुद अन्तरगत मावि तर्फको छात्रा भलिवल मेरिगोल्ड माविमा कात्तिक २९ देखि मंसिर १ गते सम्पन्न गरिएको थियो । उक्त खेलमा धौलागिरि वोडिङ्ग स्कूल प्रथम, मेरिगोल्ड वोडिङ्ग स्कूल द्धितीय, फेवा पब्लिक मावि तृतीय तथा वेष्ट पोइन्ट्र वोडिङ्ग स्कूल सान्त्वना स्थान हासिल गरेका भलिवल संयोजक नवीन बरालले जानकारी दिए ।

यस्तै रेन्वो एकेडेमिक होम्स्को खेलकुद मैदानमा कात्तिक २९ देखि मंसिर २ गते सम्म भएको जुनियर फूटवलमा धौलागिरि वोडिङ्ग स्कूल प्रथम, फेवा पब्लिक मावि दोस्रो, रेन्वो एकेडेमिक होम्स् तृतीय तथा मेरिगोल्ड वोडिङ्ग स्कूलले सान्त्वना स्थान हासिल गरेको फुटवल संयोजक विष्णु जिसीले जानकारी दिए ।

उक्त कार्यक्रमको समापन समारोहमा सबैलाई धन्यबाद दिदै एपेक्सका संयोजक वेदप्रसाद वस्ताकोटीले विद्यार्थीको प्रतिभा प्रस्फुटन तथा खेलकुदको विकास गर्ने हेतुले यस्तो कार्यक्रम आयोजना गरिएको कुरा व्यक्त गरे ।