पोखरा, २ मंसिर । चुनाव प्रचारसँगै साझा पार्टीको उम्मेदवार र कार्यकर्ता गाउँको सरसफाइमा समेत जुटेका छन् । आइतबार मतदाता भेट्न उम्मेदवार रजनी केसी सहितको टोली वडा नम्बर २१ पुग्यो तर त्यहाँ पुगेको टोलीले एउटा फरक सन्देश दियो ।

मतदाताको घरदैलोमा पुगेका साझापार्टीका नेता तथा कार्यकता सरसफाइमा समेत जुटे । कुनै कार्यक्रम गर्नु पहिले सरसफाइ गरिन्छ अनि मात्र कार्यक्रम सुरु हुन्छ । कास्की क्षेत्र नम्बर २ का विभिन्न ११ वडामा विहानदेखि साँझसम्मै पार्टीका नेता कार्यकर्ताको भीड देखिन्छ । मतदानको मिति नजिकिएसँगै साझा पार्टी पनि मतदाता भेटघाटमा व्यस्त छ ।

जनतामा अझै पनि चेतनाको कमी रहेको र सकरात्मक सन्देश प्रवाह गर्ने उद्देश्यले सरसफाइलाई निरन्तरता दिने गरेको पार्टीका कास्की जिल्ला सदस्य एकराज न्यौपानेले जानकारी दिए ।आइतबार पोखरा २१ को कृष्ति र निर्मरपोखरीमा घरदैलो गर्न पुग्दा पनि साझा पार्टीका नेता तथा कार्यकर्ताले सामुदायिक विद्यालय अगाडि सरसफाइ गरे ।
।