मन र मत परिवर्तन गर्ने समय : केसी

आदर्श समाज सम्वाददाता
मंसिर २, २०७६
sajha party_Fotor

साझा पार्टीले पोखरा– २० भलाममा सम्पर्क कार्यालय स्थापना गरेको छ। कास्की २ मा हुन लागेको उपनिर्वाचनको मिति नजिकिएसँगै मतदाता भेटघाटमा सक्रिय बनेको पार्टीले एक कार्यक्रमका बीच शनिबार सम्पर्क कार्यालय स्थापना गरेको हो।

चुनावलाई मध्यनजर गर्दै सो सम्पर्क कार्यालय स्थापना गरिएको पार्टीका कास्की जिल्ला संयोजक अर्जुन प्रसाद खनालले जानकारी दिए।

सम्पर्क कार्यालय स्थापना पछि बोल्दै पार्टीका तर्फबाट उम्मेदवार बनेकी रजनी के.सीले अब मन र मत परिवर्तन गर्नुपर्ने समय आएको बताईन्। उनले भारतले नेपाली भूमि मिचिरहेका बेला सरकार अझै मुकदर्शक बनेको भन्दै यो विषयमा तत्काल पहल गर्न माग गरिन्। देशमा भ्रष्टाचारको समस्या व्याप्त रहेको बताउँदै उनले साझा पार्टी भ्रष्टाचार विरुद्ध आवाज उठाउने र विकासप्रेमी पार्टी भएको जिकिर गरिन्। ‘देशका सीमा दिनानुदिन मिचिँदा पनि कुनै पहल नगरी सरकार मुकदर्शक बनेको छ, ’ उनले भनिन्, ‘देशमा भ्रष्टाचार व्याप्त छ, सरकार काण्डैकाण्डमा मुछिएको छ, अब मत परिवर्तन गुर्नुपर्ने समय आयो। ’

पार्टीका जिल्ला संयोजक खनालले राजनीतिको मुहान नै फोहोर भइसकेको टिप्पणी गरे। युवाले देश चलाउनुपर्नेमा जोड दिँदै उनले प्रश्र गरे, ‘देशका अभिभावकहरु नै गतिलो नभएपछि अरुले के गर्ने? , राजनीतिको मुहान नै फोहोर भैसक्यो, अब कास्कीबासीले परिवर्तनको सन्देश दिनुपर्छ। ’

चुनाव लक्षित घरदैलो र कोणसभा कार्यक्रममा सक्रिय बनेको पार्टीले शनिबार पोखरा २० भलाममा घरदैलो कार्यक्रम गरेको छ। घरदैलो कार्यक्रममार्फत जनतासामु पुग्दा जनताले पनि परिवर्तन खोजेको पाएको जिल्ला संयोजक खनालले बताए। आइतबार पोखरा २१ मा घरदैलो कार्यक्रम गरिने पार्टीले जनाएको छ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • सेती नदी संरक्षणका लागि प्रधानमन्त्रीको ध्यानाकर्षण

    आदर्श समाज सम्वाददाता असार ४, २०८१
    पोखरा । सेती नदी संरक्षण अभियानका पदाधिकारीहरूले प्रधानमन्त्री पुष्पकमल दाहाल ‘प्रचन्ड’ सेती नदी किनारको अहिलेको अवस्थाबारे ध्यानाकर्षण गराइएको छ ।…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • ४ हजार ५ सय २४ जनालाई तालिम

    आदर्श समाज सम्वाददाता असार ३, २०८१
    चितवन । भरतपुर महानगरपालिकाले आर्थिक वर्ष २०८०/८१ मा ४ हजार ५ सय २४ जनालाई निशुल्क तालिम दिएको छ । उत्पादनलाई…

hero news full width