राष्ट्रिय प्रजातन्त्र पार्टी कास्कीले चुनावी प्रचारप्रसार अन्तरगत आइतबार पोखरा वडा नं. ४ का विभिन्न क्षेत्रमा घरदैलो तहमा चुनावी कोणसभा सम्पन्न गरेको छ।

उक्त अवसरमा बोल्दै मंसिर १४ मा हुने उपनिर्वाचनमा मतदाता समेत राष्ट्रियता जोगाउनको लागि भए पनि राप्रपाका उम्मेदवार रोमबहादुर भण्डारीलाई मत दिनुपर्ने बताएका छन्।

घरदैलो पछि बागलुङ बसपार्कमा भएको चुनावी सभामा बोल्दै उम्मेदवार भण्डारीले समानता, हिन्दू राष्ट्रको पुनस्र्थापना, राष्ट्रिय अखण्डताको रक्षा, भ्रष्टाचार नियन्त्रण, महिला विरुद्ध हुने हिंसाको अन्त्य, रोजगारी सिर्जनाको लागि दवाव दिन, जातीय विभेद र छुवाछुत अन्त्यका लागि गाई चिन्हमा मतदान गर्न आग्रह गरेका थिए। यसअघि वडा नं. ४ को चुनाव प्रचारप्रसार कार्यालयको उद्घाटन गरिएको थियो।