सूर्यमणि स्मृति पुरस्कार जगमानलाई

आदर्श समाज सम्वाददाता
मंसिर २, २०७६
suryamani_Fotor

पुरस्कार घोषणा कार्यक्रममा बोल्दै प्रतिष्ठान संरक्षक कपिलनाथ कोइराला। तस्वीर : विजय नेपाल/आदर्श समाज

नेपाल प्रज्ञा प्रतिष्ठानका उपकुलपति डा जगमान गुरुङलाई ५१ हजार राशिको प्राडा सूर्यमणि स्मृति पुरस्कार प्रदान गर्ने भएको छ।

प्राडा सूर्यमणि अधिकारी स्मृति प्रतिष्ठान, पोखराले आइतबार पत्रकार सम्मेलन आयोजना गरी पुरस्कृत प्रतिभाको घोषणा गरेको हो।

चार दशकदेखि अनवरतरुपमा नेपाली संस्कार र संस्कृतिको उन्नयनमा साधनारत रहेकोमा संस्कृति तथा इतिहासविद् डा. गुरुङको कार्यको उच्च मूल्यांकन गर्दै गठित प्रतिभा छनोट समितिले उनलाई पुरस्कारको लागि सिफारिस गरेको प्रतिष्ठान संरक्षक कपिलनाथ कोइरालाले जानकारी दिए। प्रतिष्ठान सदस्य प्राडा दिलबहादुर क्षत्रीको संयोजकत्वमा गठित प्रतिभा छनोट समिति सदस्यमा कोषाध्यक्ष सहप्राध्यापक डा बाबुराम अधिकारी र सहप्राध्यापक महेश अधिकारी रहेका थिए। २००३ साल माघ २१ मा कास्कीको याङ्जाकोटमा जन्मिएका डा. जगमान गुरुङले सामाजिक सद्भाव, राष्ट्रिय एकता र अखण्डता तथा धार्मिक सहिष्णुता कायम गर्न ठूलो योगदान दिएका छन्।

प्रतिभा छनोट समिति संयोजक प्राडा दिलबहादुर क्षत्रीले प्रमाण र तथ्यमा इतिहास आधारित हुने उल्लेख गर्दै सो दिशामा प्राडा सूर्यमणि अधिकारी रहेको स्मरण गरे। चितवन जिल्लामै पहिलो पटक विद्यावारिधि हासिल गरेका प्राडा अधिकारीको निधन २०६३ सालमा भएको थियो। उनका इतिहास, संस्कृति, भाषा साहित्य लगायत क्षेत्रमा २ दर्जन बढी पुस्तक प्रकाशित रहेको प्रतिष्ठान संरक्षक कपिलनाथ कोइरालाले जानकारी दिए। उनले इतिहास, भाषा संस्कृति लगायत क्षेत्रमा वषेर्नी पुरस्कार प्रदान गरिने गरी स्थापित अक्षयकोषमा १५ लाख रुपैयाँ राखिएको जानकारी दिए। यति ठूलो धनराशि एकै पटक राखेर प्रतिष्ठान जन्मिएको पोखरामा सम्भवतःयो पहिलो हेा। गत वर्ष फागुन १ मा स्थापित प्रतिष्ठानले हालसम्म महायज्ञ, छात्राबास, मानवआश्रम, स्कुल लगायतमा नगद तथा जिन्सी सहयोग गरिसकेको प्रतिष्ठान अध्यक्ष इन्दिरा अधिकारी कोइरालाले बताइन्।

प्रतिष्ठान अध्यक्ष इन्दिरा अधिकारी कोइरालाको अध्यक्षतामा भएको कार्यक्रममा स्वागत सदस्य रमेश पौडेल र संचालन कोषाध्यक्ष सहप्राध्यापक बाबुराम अधिकारीले गरेका थिए। प्रतिष्ठान अध्यक्ष इन्दिरा स्व. सूर्यमणिकी सुपुत्री हुन्।

प्राडा सूर्यमणि अधिकारीको ७१ औं जन्मजयन्ती अवसरमा मंसिर ६ गते पोखरा उद्योग वाणिज्य संघको अमृत कक्षमा एक समारोह आयोजना गरी पुरस्कार प्रदान गरिनेछ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • सेती नदी संरक्षणका लागि प्रधानमन्त्रीको ध्यानाकर्षण

    आदर्श समाज सम्वाददाता असार ४, २०८१
    पोखरा । सेती नदी संरक्षण अभियानका पदाधिकारीहरूले प्रधानमन्त्री पुष्पकमल दाहाल ‘प्रचन्ड’ सेती नदी किनारको अहिलेको अवस्थाबारे ध्यानाकर्षण गराइएको छ ।…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • ४ हजार ५ सय २४ जनालाई तालिम

    आदर्श समाज सम्वाददाता असार ३, २०८१
    चितवन । भरतपुर महानगरपालिकाले आर्थिक वर्ष २०८०/८१ मा ४ हजार ५ सय २४ जनालाई निशुल्क तालिम दिएको छ । उत्पादनलाई…

hero news full width