तनहुँमा पिस पोस्टर प्रतियोगिता

आदर्श समाज सम्वाददाता
कार्तिक २८, २०७६
peace poster_Fotor

लायन्स क्लब अफ पोखरा पिस सिटीको आयोजनामा भीमादको बाल विकास माविमा पिस पोष्टर कार्यक्रम सम्पन्न भएको छ।

प्रतियोगितामा भीमाद १ र २ स्थित सम्पूर्ण सामुदायिक विद्यालयका कुल १२ विद्यालयको सहभागिता थियो। जसमा ८ देखि १३ वर्षसम्म उमेर समूहका १२ जना छात्रछात्राले प्रतिष्पर्धा गरेका थिए।

जर्नी अफ पिस विषयक प्रतियोगितामा बाल विकास माविका छात्रा विन्दु थापा प्रथम, अरुणेदय माविका छात्र एकिन थापा द्वितीय र शंकर माविका सुशील थापा तृतीय भए। प्रथमलाई डिष्ट्रिक्टमा पठाइने क्लब अध्यक्ष अर्जुन सिग्देलले जानकारी दिए।

विजयीलाई बालविकास मावि विद्यालय व्यवस्थापन समितिका अध्यक्ष ईमानसिं थापा, प्रअ रामजी सिग्देल, क्लबका अध्यक्ष अर्जुन सिग्देल र क्लबका पूर्व अध्यक्ष टंकराज अधिकारी लगाएयले पुरस्कार र सहभागीलाई प्रमाणपत्र प्रदान गरेका थिए।

क्लब अध्यक्ष अर्जुन सिग्देलको अध्यक्षतामा सम्पन्न कार्यक्रममा प्रथम उपाध्यक्ष रामप्रसाद अधिकारी, क्लबका मेम्वरसीप चेयरपर्सन तीर्थराज सुवेदी, कोषाध्यक्ष दीपेन्द्र चालिसे, बलभद्र निमाविका प्रअ तुलसी सिग्देल लगायतले आ–आफ्ना भनाइ राखेका थिए।

Related News

सम्बन्धित समाचार

hero news full width