महिलालाई आत्मनिर्भर बनाउनुपर्छ : विद्या

आदर्श समाज सम्वाददाता
कार्तिक २७, २०७६
b_Fotor

नेकपाले पोखरा ११ फूलबारीमा निर्वाचन परिचालन कमिटीको कार्यालय स्थापना गरेको छ। कार्यालयको कास्की निर्वाचन क्षेत्र २ मा नेकपातर्फबाट उम्मेदवार बनेकी विद्या भट्टराईले उद्घाटन गरिन्।

उनले महिलालाई परनिर्भरताबाट अन्त्य गर्नुपर्ने बताइन्। महिलालाई शिक्षा र आर्थिक सशक्तिकरणको माध्यमबाट परनिर्भरता अन्त्य गरी आत्मनिर्भर बनाउनुपर्ने बताइन्।

उनले महिलालाई उद्यमशील बनाउन सके त्यसले समृद्धिमा सघाउनेपनि बताइन्। उनले स्वर्गीय रवीन्द्रका अधुरा सपना र योजना पूरा गर्नका लागि आफू उम्मेदवार बनेको भन्दै आफूलाई विजयी गराएर ‘समृद्ध नेपाल, सुखी नेपाली’को नारा सार्थक बनाउने अभियानमा ईट्टा थप्न आग्रह गरिन्।

नेकपाका केन्द्रीय सदस्य चुडामणि जंगलीले सरकारले अघि सारेको समृद्ध नेपाल सुखी नेपाली अभियान सफल बनाउनका लागि नेकपाको उम्मेदवारलाई विजयी गराउन आग्रह गरे।

कार्यक्रममा नेकपा वडा सचिव कुमार क्षत्री र देवेन्द्र बास्तोला लगायतले विद्यालाई जिताएर रवीन्द्रका अधुरा सपना र योजना सफल बनाउनुपर्नेमा जोड दिए। सो अवसरमा उम्मेदवार विद्याले ९७ वर्षीया जानुका खत्रीसँग आशीर्वाद लिएकी थिइन्।

मंगलवार नै पोखरा–३३ मा पनि नेकपाले निर्वाचन परिचालन कमिटीको कार्यालय स्थापना गरेको छ। कार्यालयको नेकपाका केन्द्रीय सदस्य भीम कार्कीले उद्घाटन गरे।

उता, उम्मेदवार भट्टराई पोखरा २१ का स्थानीय मतदातासँग भोट माग्न पुगेकी छन्।

कृस्तिमा विद्या पुग्नासाथ ९३ वर्षीय छवि पहारीले माला लगाउँदै शिरमा हात राखेर आशीर्वाद दिए, ‘सबैको मन जिते, हामी तिम्रै साथमा छौ, ’

उम्मेदवार विद्याले जित हासिल गरेपछि जनचाहनालाई शिरोपर गरी अघि बढ्ने प्रतिवद्धता व्यक्त गरिन्।

यस्तै, पोखरा १५ स्थित खरबारी टोलमा घरदैलो तथा कोणसभा गरिएको छ। कोणसभालाई सम्बोधन गर्दै नेकपा कास्की सचिव एवं चुनाव प्रचार कमिटी वडा १५ का इञ्चार्ज बखानसिंह तमुले उम्मेदवार विद्या भट्टराईलाई अत्यधिक मतले विजयी गराउन आग्रह गरे।

Related News

सम्बन्धित समाचार

  • घरेलु चौरमा बहुउद्देश्यीय भवन

    आदर्श समाज सम्वाददाता असार १०, २०८१
    पोखरा । पोखरा २७ मा रहेको लेखनाथ युवा क्लबको आह्वान र अन्य सामाजिक संघ सस्थाहरूको सहकार्यमा बहुउद्देश्यीय भवन निर्माण गर्न…
  • पर्यटकीय राजधानीमा पर्यटन प्राथमिकता

    आदर्श समाज सम्वाददाता असार १०, २०८१
    पोखरा । पर्यटकीय राजधानी घोषणा भएको पोखरा महानगरपालिकाले आगागी आर्थिक वर्षमा भ्रमण वर्षका रुपमा मनाउने भएको छ । पोखराका मेयर…
  • मणिपालको राजस्व छानबिन गर्न नयाँ समिति

    आदर्श समाज सम्वाददाता असार ९, २०८१
    पोखरा । मणिपाल शिक्षण अस्पतालबाट पोखरा महानगरपालिकाले प्राप्त गर्नुपर्ने राजस्वको विषयमा छानविन गर्न ७ सदस्यीय समिति गठन भएको छ ।…
  • पोखरामा अब घरबाटै राजश्व दाखिला गर्न सकिने

    आदर्श समाज सम्वाददाता असार ९, २०८१
    पोखरा । पोखरा महानगरपालिकाको नीति कार्यक्रम प्रस्तुत भएको छ । सभागृहमा आयोजित महानगरपालिकाको १५ औँ नगरसभामा नगरप्रमुख धनराज आचार्यले आगामी आ.व…
  • स्थानीय उत्पादन प्रवद्र्धन तालिम

    आदर्श समाज सम्वाददाता असार ९, २०८१
    पोखरा । पोखरा महानगरपालिका वडा नं १६ मा रहेका महिला उद्यमीलाई लेबलिङ, प्याकेजिङ तथा बजारीकरणसम्बन्धि तालिम दिइएको छ । महिला…

hero news full width