खेलका पूर्वाधार निर्माण गर्छौ

आदर्श समाज सम्वाददाता
कार्तिक २६, २०७६
khal photo_Fotor

वालिङ नगर प्रमुख दिलीपप्रताप खाँणले खेल क्षेत्रको विकासका लागि नगरपालिकाले पूर्वाधार निर्माणमा जोड दिने बताएका छन्।

नवोदय युवा क्लब वालिङ ११ प्रितिपले हरिबोधनी एकादशीको अवसर पारेर आयोजना गरेको पुरुष भलिबल प्रतियोगिताको सोमबार उद्घाटन गर्दै नगर प्रमुख खाँणले सो कुरा बताएका हुन्।

उनले खेल क्षेत्रका लागि आवश्यक पर्ने पूर्वाधारहरुको निर्माण तथा सहायक खेलकुदका सामग्रीहरु वितरण गर्ने बताए।

“खेल क्षेत्रको विकासका लागि नगरपालिका प्रतिबद्ध छ” नगर प्रमुख खाँणले भने, “नगरभित्रका क्लबहरुले खेलकुदका गतिविधिलाई निरन्तररुपमा सञ्चालन गर्दै जानुहोस् साथै हिसाव किताबलाई पारदर्शी बनाउनुहोस् नगरपालिकाले सहयोग गर्दै जानेछ।”

खेलकुदसँगै युवा उत्पादन तथा उद्यमशिलतातर्फ पनि जोडिनु आवश्यक रहेको नगर प्रमुख खाँणको भनाइ थियो।

कार्यक्रममा वडा नं. ११ का वडा अध्यक्ष बसन्तकुमार मल्लले वडाबासीका मागहरुलाई क्रमश : सम्बोधन गर्दै जाने बताउँदै विकास निर्माणमा सबैको सहयोग आवश्यक रहेको उल्लेख गरे।

कार्यक्रममा नेपाली काँग्रेस नगर सचिव भुपराज बगाले, नेकपा पार्टी प्रतिनिधि यामलाल शर्मा पंगेनी लगायतले शुभकामना मन्तब्य ब्यक्त गरेका थिए।

समाजसेवी हरिलाल विकको स्वागतसँगै शुरु भएको उद्घाटन समारोह क्बलका अध्यक्ष नेत्रबहादुर विकको सभापतित्वमा सम्पन्न भएको थियो भने सञ्चालन क्लबका सल्लाहकार डण्डपानी पंगेनीले गरेका थिए।

प्रतियोगितामा २० टिमको सहभागिता रहेको छ। प्रतियोगितामा प्रथम, द्वितीय, तृतीय र सान्त्वना हुने समूहले क्रमशः ३५ हजार, २५ हजार, १५ हजार र ८ हजार नगदसहित शिल्ड, मेडल र प्रमाणपत्र प्राप्त गर्नेछन्।

Related News

सम्बन्धित समाचार

  • विश्व ओलम्पिक दिवसमा माउन्ट अन्नपूर्णमा विविध कार्यक्रम

    आदर्श समाज सम्वाददाता असार ८, २०८१
    पोखरा । विश्व ओलम्पिक दिवस अवसरमा माउन्ट अन्नपूर्ण माविले एसइई दिएर बसेका विद्यार्थीहरुको फुर्सदको समय सदुपयोग गर्ने उद्देश्यले तीनदिने विविध…
  • कास्कीलाई हक्की उपाधि

    आदर्श समाज सम्वाददाता असार ८, २०८१
    पोखरा । प्रदेश खेलकुद परिषद् गण्डकी आयोजना र गण्डकी प्रदेश हक्की संघको व्यवस्थापनमा भएको अन्तरजिल्लास्तरीय हक्की प्रतियोगिताको उपाधि कास्कीले जितेको…
  • आर्चरीमा कास्की च्याम्पियन

    आदर्श समाज सम्वाददाता असार ८, २०८१
    पोखरा । तेस्रो संस्करणको गण्डकी प्रदेशस्तरीय आर्चरीमा कास्की च्याम्पियन भएको छ । कुल ९ पदकका लागि भएको प्रतियोगितामा कास्कीले ३…
  • न्यू मोडलको फुटसल सुरु

    आदर्श समाज सम्वाददाता असार ६, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ६, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…

hero news full width