नेपाल भ्रमणमा रहेको इङ्ल्याण्डको मेरिलबोन क्रिकेट क्लब एमसीसीले टि–२० खेलमा समेत फराकिलो जित हात पारेको छ। यू–१९ सहितको सिनियर खेलाडी सम्मीलित नेपाली टिमलाई एमसीसीले ११३ रनले हरायो।

१९० रनको लक्ष्य पछ्याएको नेपाल १३ ओभर एक बलमा ७६ रन बनाएर अलआउट बन्यो। नेपालका लागि कमलसिंह ऐरीले सर्वार्धिक १८ रन बनायो। सन्दिप जोराले १६, कुशल भुर्तेलले १४, भीम सार्कीले १३ रन बनाए। आरिफ शेखले ४, अमित श्रेष्ठले १, रोहितकुमार पौडेलले ६ रन मात्रै बनाए।

नेपाललाई पराजित गर्ने क्रममा एड योङले अलराउण्ड प्रदर्शन गरे। ब्याटिङतर्फ ४२ रन बनाएका योङले बलिङमा समेत ३ विकेट लिए। ओलिभर हानन डाल्बीले २ विकेट लिए। क्रिस राइट र विल रोड्सले समान १ विकेट हात पारे। टस हारेर ब्याटिङको निम्तो पाएको एमसीसीले २० ओभरमा ७ विकेट गुमाउँदै १८९ रन बनायो।

एमसीसीका लागि विल गडलम्यानले ५४ रनको अर्धशतकीय योगदान दिए। त्यस्तै, माइल्स ह्याम्मन्डले २९ रन बनाए।

बलिङतर्फ राशिद खानले तीन विकेट लिए भने कमलसिंह ऐरी, जितेन्द्र मुखिया र सुशन भारीले समान १ विकेट हात पारे।