पोखरा २४, कात्तिक । गण्डकी प्रदेशका कार्यवहाक आर्थिक मामिला तथा योजना मन्त्री किरण गुरुङले सहारा एकेडेमीको खेल मैदान विस्तार गर्नुपर्नेमा जोड दिएका छन् ।

सहारा एकेडेमी सहित एकेडेमीका बालकहरुसंग भेटघाट गर्दै का.वा. मुख्यमन्त्री समेत रहेका गुरुङले पोखरामा स्तरीय फुटवल मैदान अभाव भएको अबस्थामा क्लबले एकेडेमीको खेल मैदानलाई ब्यबस्थित पार्न सुझाव दिएका हुन्।

उनले भने “ हामीले सोचे भन्दा सहारा एकेडेमी धेरै फरक ढंगबाट संचालन भएको रहेछ, यसलाई दिगो रुपमा संचालन गर्न प्रदेश सरकारले आवश्यक सहयोग गर्न तयार रहेको छ ।मन्त्री गुरुङलाई क्लबका अध्यक्ष केशवबहादुर थापा, निवर्तमान अध्यक्ष वीरभद्र आचार्य, पूर्व अध्यक्ष विक्रम थकाली लगायतले स्वागत गर्दै क्लबको गतिविधिको बारेमा जानकारी गराएका थिए । सहारा क्लब पोखराद्धारा सञ्चालित कठिन परिस्थिति एवं विपन्न वर्गका बालकहरु समेलित १३ जिल्लाका २५ जना बालकहरु एकेडेमीमा छन्।