हरिहर आश्रममा बाला चतुर्दशी मेलासँगै भजन चुड्का प्रतियोगिता हुने

आदर्श समाज सम्वाददाता
कार्तिक २०, २०७६
20191105_092856_Fotor

मेलाको तयारी बारे जानकारी दिँदै आश्रमका का.वा. अध्यक्ष अर्जुन खत्री।

पोखरा –२० भलाम स्थित हरिहर गुफा सन्यास आश्रममा बाला चतुर्दशी मेलासँगै खुल्ला भजन चुड्का प्रतियोगिता हुने भएको छ।

आश्रमले बाला चतुर्दशीको दिन मंसिर ९ गते मेलासँगै भजन चुड्का प्रतियोगिता गर्न लागेको हो। विगतका वर्षमा आश्रममा बाल चतुर्दशी मेला लाग्दै आएको थियो।

मङ्गलबार आश्रममा आयोजित पत्रकार सम्मेलनमा मेला र प्रतियोगिताको तयारी शुरु भएको जानकारी दिइएको छ। मेलाका लागि मूल आयोजक समिति सहित विभिन्न ११ वटा उपसमिति गठन गरिएको छ।

आश्रमको प्रचारप्रसारमा टेवा पुर्याउने उद्देश्यले यसपटक मेलासँगै भजन चुड्का प्रतियोगिता पनि थप गरिएको हो।

‘यसपटकको मेलालाई थप व्यवस्थित र प्रभावकारी बनाउँछौं’ आश्रमका कार्यवाहक अध्यक्ष अर्जुन खत्रीले भने, ‘सबैको साथ र सहयोग आवश्यक छ। ’ उनले यसपटकको मेलामा ५० हजार भक्तजन उतार्ने गरी तयारीमा जुट्ने जानकारी दिए। आश्रममा बाला चतुर्दशी बाहेक महाशिवरात्री, हनुमान जयन्ती, नवदुर्गा, रामनवमी र कृष्णजन्माष्टमीको अवसरमा पनि मेला लाग्ने गर्छ।

पोखरा २० वडा कार्यालयको आर्थिक सहयोगमा हुन लागेको भजन चुड्का प्रतियोगितामा प्रथम हुने समूहलाई ३० हजार, द्वितीयलाई २० हजार पुरस्कार प्रदान गरिने छ। त्यस्तै, सान्त्वना, उत्कृष्ट नृत्य, उत्कृष्ट भेषभूषालाई ५/५ हजार रुपैया प्रदान गरिने छ।

मंसिर ८ गतेसम्म टिम दर्ता गराउन सकिने प्रतियोगिता संयोजक महेन्द्रराज पौडेलले जानकारी दिए। भजन समूहमा १० देखि १५ जनासम्म हुनुपर्ने र बाद्यवादन स्वयंले व्यवस्थापन गर्नुपर्ने नियम बनाइएको छ।

पोखरा २० का वडाध्यक्ष सीम गुरुङले कार्यक्रमका लागि वडा कार्यालयले २ लाख रुपैया आर्थिक सहयोग गरेको बताए। आश्रमलाई धार्मिक पर्यटकीयस्थल बनाउनका लागि वडा कार्यालय लागिपर्ने उनको भनाइ छ। कार्यक्रममा प्रचारप्रसार समिति संयोजक रेशम खत्री र सदस्य रवि लामिछानले बोलेका थिए। आश्रममा हाल ८ जना सन्यासी आश्रित छन्। सन् १९०६ सालमा स्वामी अम्बर गिरिद्वारा स्थापित उक्त आश्रममा हाल गलेश्वर आश्रम, देवघाटका स्वामी आत्मानन्द गिरि पिठाधीश रहेका छन्।

Related News

सम्बन्धित समाचार

  • प्राइम सहकारी ठगी प्रकरण : मुख्य योजनाकारसहित ७ जना कारागार चलान

    विजय नेपाल असार ७, २०८१
    पोखरा । पोखराको प्राइम बहुउद्देश्यीय सहकारी संस्थाको डेढ अर्बभन्दा बढी रकम अपचलन भएको ठगी मुद्दामा मुख्य योजनाकार प्रमुख कार्यकारी अधिकृत सुरेन्द्रमणि…
  • कञ्चन क्यापिटलको पाँचौं वार्षिकोत्सव

    आदर्श समाज सम्वाददाता असार ७, २०८१
    पोखरा । कञ्चन क्यापिटल प्रालिले रक्तदान, सम्मान, पुरस्कार वितरणलगायत कार्यक्रम गरी पाँचौं वार्षिकोत्सव मनाएको छ । मंगलबार आयोजित रक्तदानमा ५६…
  • पोखरा आदर्शमा एकल नृत्यको अडिसन राउन्ड पूरा

    आदर्श समाज सम्वाददाता असार ७, २०८१
    पोखरा । नृत्य निर्देशक संघ नेपाल, गण्डकी प्रदेशको आयोजनामा सञ्चालन हुने खुला एकल नृत्य प्रतियोगिताको अडिसन राउन्ड पोखरा आदर्श सेकेन्डरी…
  • ‘शास्त्रीय मर्यादा कायम राखौं’

    आदर्श समाज सम्वाददाता असार ७, २०८१
    पोखरा । शास्त्रीय मर्यादा कायम राख्नुपर्नेमा जोड दिइएको छ । नेपाल ज्योतिष परिषद् कास्कीले बुधबार पोखरामा आयोजना गरेको पूर्वीय वाङ्मय…
  • पोखरा सुधारको माग

    आदर्श समाज सम्वाददाता असार ७, २०८१
    पोखरा । नेकपा एमाले पोखरा महानगर समितिले पोखरा महानगरपालिका प्रमुख धनराज आचार्यलाई विभिन्न मागसहित ध्यानाकर्षण पत्र बुझाएको छ । एमाले…

hero news full width