काठमाडौं, १६ कात्तिक । वामदेव गौतमलाई वैधानिक रुपमा उपाध्यक्ष बनाउने तयारी गरिएको छ । उनलाई उपाध्यक्ष बनाउन नेपाल कम्युनिष्ट पार्टीको स्थायी समिति बैठक दुई तीन दिन भित्र नै बस्दै छ ।

बिशेष श्रोतका अनुसार पार्टीको स्थायी समितिको बैठक राखेर विधान संशोधन गरी गौतमलाई उपाध्यक्ष बनाउने अन्तिम तयारी भएको छ । साउन ३१ गते बसेको सचिवालय बैठकले सर्वसम्मतीबाट गौतमलाई उपाध्यक्ष बनाउने प्रस्ताव पारित गरेको थियो। त्यसयता स्थायी समिति बैठकको प्रतीक्षा भइरहेको थियो।
श्रोतका अनुसार उनी एक हप्ता भित्र उपाध्यक्ष भइसक्ने छन् । स्थायी समिति बैठक चाँडै बस्न आवश्यक छ तर, मिति भने निश्चित भैसकेको छैन नेकपाका महासचिव बिष्णु पौडेलले पौडेलले भने ।

शनिबार बस्ने सचिवालय बैठकले उप निर्वाचनका लागि नेकपाका उम्मेदवारहरू तोक्ने निर्णय गर्नेछ भने स्थायी समिति बैठकको मिति पनि तोक्ने संभावना रहेको छ। गौतमले अध्यक्ष पुष्पकमल दाहाल प्रचण्ड, बरिष्ठ नेता माधवकुमार नेपाल लगायतसँग भेटेर असन्तुष्टि पोख्न सुरु गरेका थिए।