स्याङ्जा, ६ कात्तिक । स्याङजाका प्रमुख जिल्ला अधिकारी कोषहरि निरौलालाई एक कार्यक्रमका बिच कर्मचारी मिलन केन्द्रले विदाइ गरेको छ ।

प्रमुख जिल्ला अधिकारी निरौला सरुवा भएर गुल्मी जान लागेपछि मिलन केन्द्रले विदाइ गरेको हो । करिब १८ महिना अगाडि प्रमुख जिल्ला अधिकारीका रुपमा स्याङजा आएका निरौलाले कर्मचारी भएपछि एक दिन अवश्य सरुवा भएर जानु पर्ने बताउदै राम्रोसँग काम गर्न कर्मचारीहरुलाई सुझाएका थिए ।

स्याङजाले दिएका साथ र माया कहिल्यै आफुले नविर्सने निरौलाले बताए । विदाइ कार्यक्रममा जिल्ला समन्वय समिति स्याङ्जाका संयोजक विश्वप्रकाश अर्याल, डिभिजन वन कार्यालयका प्रमुख तथा कर्मचारी मिलन केन्द्रका अध्यक्ष कोमलराज काफ्ले र जिल्ला प्रशासन कार्यालयका प्रशासकीय अधिकृत उज्वल बस्नेत लगायतले मन्तव्य राखेका थिए ।

प्रमुख जिल्ला अधिकारी निरौलालाई पुतलीबजार नगरपालिका, सामुदायिक प्रहरी प्रगतीनगर र स्याङजा चेम्बर अफ कमर्श लगाएतले विदाइ कार्यक्रम आयोजना गरिी विदाइ गरेका थिए ।