पोखरा १७ बिरौटामा स्थित बिरौटा वचत तथा ऋण सहकारी संस्थाले आफनो १० औं वाषिकोत्सवको अवसरमा रक्तदान कार्यक्रम शनिवार सम्पन्न गरेको छ ।

प्रमुख अतिथि नेपाल रेडक्रस सोसाइटी पोखरा १७ उपशाखाका सभापति झपिन्द्रराज रेग्मीले उद्घाटन गदै संस्थाले गरेको समाजिक कार्यले रगतको अभावमा छटपटाई रहेका विरामीलाई जीवनदान गरेर पुण्य कमाएकोमा संस्था प्रति धन्यवाद व्यक्त गरे ।

संस्थाका उपाध्यक्ष टीकाप्रसाद पौडेलको अध्यक्षतामा भएको कार्यक्रममा पोखरा उद्योग वाणिज्य संघका महासचिव अर्जुन पोखरेल, बिरौटा क्लबका अध्यक्ष डि.आर.भट्टराई लगायतले शुभकामना व्यक्त गरेका थिए ।

उक्त कार्यक्रमको स्वागत लेखा समिति संयोजक भरतराज लामिछाने, धन्यवाद कार्यक्रमका संयोजक विकास गुरुङ र सञ्चालन सचिव कृष्णबहादुर श्रेष्ठले गरेका थिए । सो रक्तदान कार्यक्रममा ३२ युनिट रगत संकलन भएको संस्थाका सहसचिव ओमप्रकाश बरालले जानकारी दिए ।