नेपाल क्रिकेट संघ (क्यान)ले नेपाली क्रिकेटको भावी कार्ययोजना बनाउन विभिन्न समितिहरु गठन गरेको छ। क्यान केन्द्रीय कार्यसमितिको आइतबार काठमाडौंको मूलपानीस्थित केन्द्रीय कार्यालयमा बसेको बैठकले क्यानको भावी योजनाहरु तय गर्न प्रतियोगिता समिति, प्राविधिक समिति, मिडिया समिति र आर्थिक समिति समेत गठन गरेको हो।

प्राविधिक समितिमा सञ्जयराज सिंह, आर्थिक समितिमा रोशनबहादुर सिंह, प्रतियोगिता समितिमा प्रशान्त मल्ल र सञ्चार समितिमा अशोकनाथ प्याकुरेललाई संयोजक तोकिएको छ। क्यानमा भावी योजना तय गर्न ती समितिहरुलाई जिम्मेवारी समेत दिइएको छ।

बैठकले कप्तान पारस खड्काले दिएको राजीनामाको विषयमा भने कुनै निर्णय गरेको छैन।