गुरुङ र मगर भाषा कामकाजी भाषा बन्न सक्छ– मुख्यमन्त्री गुरुङ

आदर्श समाज सम्वाददाता
कार्तिक ३, २०७६
chifminister gurung

पोखरा,३ कात्तिक । गण्डकी प्रदेशका मुख्यमन्त्री पृथ्वीसुब्बा गुरुङले गण्डकी प्रदेशमा गुरुङ र मगर भाषा अतिरिक्त कामकाजी भाषा बन्न सक्ने बताएका छन ।

पहिचानको मुद्दा समेट्न र भाषा संरक्षणमा भाषिक मुद्दा उठाईरहेका गुरुङ र मगर समुदायको भाषालाई कामकाजी भाषा बनाउन सकिने छ, मुख्यमन्त्री गुरुङले आइतवार नेपाल पत्रकार महासंघ गण्डकी प्रदेश समितिले दशै, तिहार, छठ र ल्होसार पर्वको अवसरमा आयोजना गरेको चियापान कार्यक्रममा बोल्दै भने– कामकाजी भाषा हुनका लागि गुरुङ र मगर भाषाको लिपी, व्याकरण लगायतका पक्षहरु पुरा हुनु पर्ने छ ।

संवैधानिक रुपमा प्रदेशमा ३ वटा भाषा राख्न सकिने व्यवास्थाको दृष्टान्त दिदै मुख्यमन्त्री गुरुङले भने–प्रदेश सरकारले त्यो भाषा प्रयोगमा ल्याउन सक्ने छ । मुख्यमन्त्री गुरुङले अन्य समुदायमा यसको यी भाषा प्रयोगमा ल्याउन खोज्दा भ्रम फैलाउने काम भएको गुनासो गरे ।
‘मैलें गुरुङ र मगर भाषा सिक्नुपर्ने भयो भनेर डराउनु पर्दैन’ उनले भने ‘गुरुङ मगर जान्ने समुदायले सरकारी कार्यलायमा, अदालतमा आफ्नो भाषा बोल्न पाउछन् भन्ने हो, अरु केही होइन’ उनले भने । आर्थिक, भाषिक र समाजिक रुपले असमान रहेको समाजमा समानताको अभ्यास गर्न नै मुलुक संघीय प्रणालीमा गएको भन्दै यसलाई पुरा गर्नु प्रदेश सरकारको दायित्व हो मुख्यमन्त्री गुरुङले भने ।

समान अवसरले नभई समान अवास्थाको अवसरले मात्र समावेशी विकासको सिद्धान्त पुरा हुने भन्दै उनले कामकाजी भाषाको व्यवास्थाले यसलाई सहयोग हुने विश्वास उनले व्यक्त गरे । पmरक प्रसंगमा उनले सरकारले दण्डहिनतालाई प्रश्रय नदिने पनि बताए ।

‘सभामुख, पूर्वमन्त्री र सांसदहरुलाई आरोप लागेपछि हामीले छानविनका लागि कुनै रोक लगाएका छैनौ, अरु कोही भए रोकिन्थ्यो होला, हिजोका व्यवस्थामा पनि यस्तो हुन्थ्यो होला’ उनले भने ‘तर यो लोकतन्त्र हो हामी लोकतन्त्रको सम्मान गछौ ।’ तर एक दुई जना आरोपित भएको भरमा अहिले सवै सांसद र नेताहरुलाई मुछ्ने काम मिडियाबाट भैरहेको प्रति उनले आपत्ति प्रकट गरे ।

Related News

सम्बन्धित समाचार

  • दलित महिलाको सशक्तीकरण जरूरी : प्रदेश प्रमुख भट्ट

    आदर्श समाज सम्वाददाता असार ६, २०८१
    पोखरा । गण्डकी प्रदेश प्रमुख डिल्लीराज भट्टले विभेदको दोहोरो शोषणमा परेका दलित महिलाको सशक्तिकरण जरूरी रहेको बताएका छन् । दलित…
  • प्राइम सहकारी ठगीमा थुनछेक बहस सुरु

    विजय नेपाल असार ६, २०८१
    पोखरा । डेढ अर्बभन्दा बढी रकम अपचलन भएको प्राइम बहुउद्देश्यीय सहकारी संस्था ठगी मुद्दामा बहस सुरु भएको छ । नेपाल…
  • मनाइयो पहिलो दिनको बकर इद

    आदर्श समाज सम्वाददाता असार ४, २०८१
    पोखरा । मुस्लिम धर्मावलम्बीको दोस्रो महान पर्व बकर इद (इदुल जोहा) सोमबार देशभरका मस्जिदमा नमाज पाठ गरी हर्षोल्लासपूर्वक मनाइएको छ…
  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…

hero news full width