कास्की २ को उपनिर्वाचन नजिकिदै गर्दा उम्मेदवारको चर्चा

आदर्श समाज सम्वाददाता
असाेज २९, २०७६
1501406898Election_commission

पोखरा,२९ असोज । पूर्व पर्यटन तथा नागरिक उड्डयन मन्त्री रवीन्द्र अधिकारीको हेलिकोप्टर दुर्घटनामा परी मृत्यु भएपछि खाली भएको कास्की निर्वाचन क्षेत्र नं २ मा यही मंसिर १४ गते उपनिर्वाचन हुदै छ ।

उपनिर्वाचन नजिकीदै गर्दा विभिन्न राजनीतिक पार्टीले उक्त निर्वाचन क्षेत्रमा उम्मेदवारी दिने तयारी गरिरहेकै वेला उम्मेदवारका आकांक्षीहरुको संख्यापनि दिनप्रतिदिन वढ्दै गएको छ ।

निर्वाचन कार्यालय कास्कीले एकमहिना अघि राजनीतिक दलसँगको अन्तरक्रिया सम्पन्न गरेको छ । विभिन्न ८ राजनीतिक दलका प्रतिनिधिहरु सँगको छलफल कार्यक्रममा उप निर्वाचन हुने वडाका मतदाताहरु, मतदान स्थल र मतदाता नामावली अद्यावधिक कार्यक्रमका बारेमा छलफल गरिएको थियो ।
कास्की जिल्लाको प्रतिनिधि सभा सदस्य निर्वाचन क्षेत्र नं. २ अन्र्तगत पोखरा महानगरपालिकाका ११ वटा वडा, ३२ वटा मतदान स्थल र अद्यावधिक गर्नुपुर्वको कुल मतदाता ७२ हजार २ सय ७८ रहेको सूचना अधिकारी रुद्र न्यौपानेले बताएका छन् ।

निर्वाचन नजिकिदै गर्दा कास्कीको निर्वाचन क्षेत्र नं २ को उपनिर्वाचनमा उम्मेदवार बन्न विभिन्न राजनीतिक दलका नेताले आफ्नो आकांक्षा व्यक्त गरिरहेका छन् । नेकपाले निर्वाचन जित्दै आएको कास्की निर्वाचन क्षेत्र नं २ मा अहिले त्यही पार्टीले निर्वाचन जित्ने हो की अन्य पार्टीले जित्छ यसै भन्न सकिने अवस्था छैन ।
कास्कीको उपनिर्वाचनलाई जनमत संग्रहको संज्ञा पनि दिने गरिएको छ, कास्कीको निर्वाचनको परिणमले आगामी राजनीतिक मोड कता जाने भन्ने वारेमा निर्धाणण गर्ने बताइएको छ । त्यसैका कारण सवै राजनीतिक दल कास्कीको निर्वाचन केन्द्रित बनेका छन् । पार्टीका शीर्षनेता कास्कीमा वाक्लो उपस्थित देखिने क्रम पनि चलिरहेको छ ।

उम्मेदवारका लागि सत्तारुढ दल नेकपाबाट विद्या भट्टराई, सोमनाथ अधिकारी प्यासी, तुलबहादुर गुरुङ, भीम कार्की, धनराज आचार्य, रश्मी आचार्य, झपट रानाभाट लगायतले उम्मेदवारका लागि इच्छा व्यक्त गरेको पार्टी स्रोतबाट खुल्न आएको छ । त्रिभूवन विश्वविद्यालय अन्तरगत सहप्राध्यापकमा कार्यरत पूर्वमन्त्री स्व रवीन्द्र अधिकारीकी धर्मपत्नी विद्या भट्टराईले राजीनामा दिने तयारी गरिरहेको र उनले आज भोलीमा नै पदबाट राजीनामा दिने तयारी गरेकी छन् ।
नेकपा कास्कीका प्रभावशाली नेतका रुपमा चिनिएका खगराज अधिकारीको इच्छाएको व्यक्ति उम्मेदवार बन्न सक्ने आँकलन पनि गरिएको छ । तर उनले अहिलेसम्म कुनै व्यक्तिको नाम लिएका भने छैनन् ।

त्यस्तै नेपाली काँग्रेसबाट १६ जना नेताले कास्की २ बाट उम्मेदवार बन्ने आकाक्षां व्यक्त गर्दै जिल्ला पार्टी कार्यालयमा आफ्नो नाम टिपाएका छन् । आकाक्षां राख्नेमा शोवियतबहादुर अधिकारी, देवराज चालिसे, खेमराज पौडेल, ऋषि काफ्ले,महादेव गुरुङ, निर्मल कर्मचार्य, वीरेन्द्रनारायण विजुक्च्छे, गुरु बराल, कृष्ण कार्की, लक्ष्मी पाण्डे, माधव वास्तोला, केशव निर्दोशी, खेमकुमारी बराल, रंगीला आचार्य, विमला भण्डारी, विजय आचार्य रहेका छन् । श्रोतका अनुसार ऋषिराम सापकोटा लगायतका नेताले समेत इच्छा व्यक्त गरेको वतायएको छ ।

त्यस्तै विवेकशील साझा पार्टीबाट रजनी केसी र रवीन्द्र मिश्रको नाम चर्चामा छ । त्यसैगरी समाजवादी पार्टीले पनि केही दिन अघि २६ जनाको नाम सिफारिस गरी पार्टी केन्द्रीय तहमा पठाएको छ । उनपनिर्वाचनका लागि ृउक्त पार्टीले गणेशमान गुरुङ, डिवी नेपाली, देवी सुवेदी, धनप्रसाद तामाङ, हेमबहादुर थापा, पानबहादुर घर्ती, देविराज गुरुङ, हुमबहदुर गुरुङ, दीपक तामाङ, टीकाराम पौडेल, धर्मराज गुरुङ, श्रीधर पौडेल, पार्वती जिसी लगायत २६ जनाको नाम पठाएको हो ।

त्यस्तै राप्रपाबाट जयलाल पुन, हिक्मतजंग कार्की, रोमबहादुर भण्डारी, नरहरि तिमिल्सेना, डा महेन्द्रबहादुर कार्की, गणेश ढकाल, शिव चालिसे, जगत सुवेदी लगायतले उम्मेदवारका लागि आकाक्षां व्यक्त गरेको पार्टी स्रोतवाट खुल्न आएको छ । त्यस्तै अन्य राजनीतिक पार्टीले पनि आफ्नो तर्फबाट उम्मेदवार छान्ने काम गरिरहेका छन

Related News

सम्बन्धित समाचार

  • दलित महिलाको सशक्तीकरण जरूरी : प्रदेश प्रमुख भट्ट

    आदर्श समाज सम्वाददाता असार ६, २०८१
    पोखरा । गण्डकी प्रदेश प्रमुख डिल्लीराज भट्टले विभेदको दोहोरो शोषणमा परेका दलित महिलाको सशक्तिकरण जरूरी रहेको बताएका छन् । दलित…
  • प्राइम सहकारी ठगीमा थुनछेक बहस सुरु

    विजय नेपाल असार ६, २०८१
    पोखरा । डेढ अर्बभन्दा बढी रकम अपचलन भएको प्राइम बहुउद्देश्यीय सहकारी संस्था ठगी मुद्दामा बहस सुरु भएको छ । नेपाल…
  • मनाइयो पहिलो दिनको बकर इद

    आदर्श समाज सम्वाददाता असार ४, २०८१
    पोखरा । मुस्लिम धर्मावलम्बीको दोस्रो महान पर्व बकर इद (इदुल जोहा) सोमबार देशभरका मस्जिदमा नमाज पाठ गरी हर्षोल्लासपूर्वक मनाइएको छ…
  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…

hero news full width