पीपीएल–२ तयारी

आदर्श समाज सम्वाददाता
असाेज २८, २०७६
PPL Cricket 2_Fotor

एक महिनापछि पोखराको क्रिकेट मैदानमा फेरि क्रिकेटको फ्रेन्जाइज च्याम्पियनसीप संचालनमा आउँदैैछ। आगामी कात्तिक २६ गतेदेखि दोस्रो संस्करणको पोखरा प्रिमियर लिग (पीपीएल) क्रिकेट प्रतियोगिता संचालनमा आउने भएको हो।

एसीसी फोटो अवार्ड जितेको पोखरा रंगशालाभित्रको क्रिकेट मैदानमा दोस्रो संस्करणको पीपीएलको लागि आवश्यक तयारी शुरु गरिएको छ। एक महिनाभित्रमा क्रिकेट मैदानको मर्मत सम्भार गनेर्गरी काम शुरु गरिएको छ। मर्मत सम्भारको जिम्मेवारी पोखराका क्युरेटर प्रदीप राउतलाई दिइएको छ।

आउट फिल्डभन्दा पनि पहिला पिच नै बनाउनुपर्ने राउतले औंल्याए। उनले भने, ‘दुईवटा पिच क्ले हुन्छ। बाँकी दुई पिच भने हल्का हरियो हुने छ। त्यसै अनुसार काम शुरु गरिएको छ। ’

राउतका अनुसार आउट फिल्डको लगभग तयारी जस्तै भइसकेको छ। आउट फिल्डको घाँस काटेर लेभलिङ गर्ने काम गरिएको उनले सुनाए। ‘केही ओरालो भएको ठाँउमा माटो भनेर सम्याउने छौं, ’ उनले भने, ‘माटो भरिएको ठाँउमा हरियो बनाउन नियमितजसो वाटरिङ (पानी सिंचित) गरिने छ। ’

पहिलो संस्करणबाट अथाह उत्साह र क्रिकेटको क्रेज बढाएको पीपीएलको दोस्रो संस्करण पनि उस्तै हुने आशा र विश्वास धेरैले गरेका छन्। पहिलो संस्करणको उपाधि पोखरा पल्टनले उचालेको थियो। फ्रेन्चाइज क्रिकेटको इतिहासमै सर्वाधिक पुरस्कार राशिको प्रतिस्पर्धा हेर्न पोखरेली क्रिकेटप्रेमी ब्यग्र प्रतीक्षामा छन्।

क्वीन्स इभेन्ट म्यानेजमेन्ट प्रालिको आयोजनामा सञ्चालित प्रतियोगितामा दर्शकको लागि आवश्यक सिटसहितको प्यारापिट समेत बनाउने योजना छ। गत वर्ष पहिलो संस्करणमा मैदान निर्माणमा खर्च बढी गरिएको थियो। यस संस्करणको खर्च भने त्यत्ति हुने देखिदैन्। जिल्ला खेलकुद विकास समितिको १० लाख रुपैयाँ र कास्की जिल्ला क्रिकेट संघको ९१ हजार रुपैयाँको लागतमा मैदानको वरिपरी माटो भरेर सम्याउने काम गरिसकिएको छ। झाडी बुट्यान सबै फालिएको छ। मैदानलाई फराकिलो बनाउने काम जारी छ।

विराटनगर टाइटन, बुटबल ब्लास्टर्स, चितवन राइनोज, धनगढी ब्लुज, काठमाडौं रोयल्स, र पोखरा पल्टनले उपाधिको लागि प्रतिस्पर्धा गनेर्छन्। ती कम्पनीले केही दिनभित्रैमा अब खेलाडीमाथि बोली लगाउनेछन्। गत वर्ष पोखरा पल्टनले दुई घरेलु खेलाडीलाई अनुबन्धन गरेको थियो। यो वर्षपनि निरन्तरता दिने अपेक्षा गरिएको छ।

कास्की जिल्ला क्रिकेट संघका अध्यक्ष सञ्जयकान्त सिग्देलले पोखरा आयोजना हुने पीपीएलले क्रिकेटको विकास र विस्तारमा महत्वपूर्ण टेवा दिने बताए। उनले पीपीएलले पोखरालाई स्पोर्ट्स् सिटीको रुपमा अन्तराष्ट्रिय बजारमा प्रवद्र्धन महत्वपूर्ण भूमिका खेल्ने विश्वास व्यक्त गरे।

Related News

सम्बन्धित समाचार

  • न्यू मोडलको फुटसल सुरु

    आदर्श समाज सम्वाददाता असार ७, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ७, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…
  • हक्की प्रतियोगिता हुँदै

    आदर्श समाज सम्वाददाता असार ७, २०८१
    पोखरा । प्रदेश खेलकुद परिषद गण्डकीको आयोजना तथा गण्डकी प्रदेश हक्की संघ व्यवस्थापनमा शुक्रबारदेखि प्रदेशस्तरीय अन्तरजिल्ला हक्की प्रतियोगिता हुँदैछ ।…
  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…

hero news full width